Þyngdu dóm yfir manni sem braut gegn barnungum dætrum sínum

Landsréttur hefur þyngt dóm yfir manni sem var fundinn sekur um kynferðisbrot gegn tveimur barnungum dætrum sínum. Héraðsdómur Austurlands dæmdi manninn til fjögurra ára fangelsisvistar í fyrra en Landsréttur þyngdi dóminn í sjö ár.

Var maðurinn auk fangelsisvistar dæmdur til að greiða annarri dótturinni 3,5 milljónir króna í bætur en hinni þrjár milljónir króna.

Sjá einnig: Ákærður fyrir áralöng brot gegn dætrum sínum.

Maðurinn hafði áður verið dæmdur til tíu mánaða fangelsisrefsingar fyrir kynferðisbrot gegn elstu dóttur sinni, hálfsystur brotaþola í þessu máli.

Dóm Landsréttar má lesa hér.