Erlent

Bresk prinsessa trú­lofast fast­eigna­mógúl

Atli Ísleifsson skrifar
Beatrix prinsessa og Edoardo Mapelli Mozzi.
Beatrix prinsessa og Edoardo Mapelli Mozzi. Getty
Breska prinsessan Beatrix hefur trúlofast kærasta sínum og fasteignamógúlnum Edoardo Mapelli Mozzi.

Frá þessu greindu foreldrar hinnar 31 árs Beatrix í morgun, en hún er dóttir Andrésar prins og Söru, hertogaynju af York. Andrés er þriðja barn Elísabetar Bretlandsdrottningar.

Í tilkynningu frá Andrési og Söru segir að parið hafi trúlofast á Ítalíu fyrr í mánuðinum. Beatrix er níunda í röðinni til að erfa bresku krúnuna.



Í frétt BBC segir að Beatrix muni ganga að eiga hinn 34 árs Mapelli Mozzi á næsta ári.

Beatix sagði frá því á Twitter að hún sé mjög spennt vegna tilkynningarinnar. Þau hafa verið saman í tvö ár. Mapelli Mozzi hefur auðgast mikið á fasteignaviðskiptum og á hann tveggja ára son úr fyrra sambandi.

Systir Beatrix, Evgenía, gekk að eiga kærasta sinn til margra ára, Jack Brooksbank, í október á síðasta ári.



Bretland Kóngafólk

Mest lesið


Fleiri fréttir

Sjá meira


×

Mest lesið