Gefa út litabók til að ýta undir að við sýnum hvert öðru áhuga Atli Ísleifsson skrifar 4. desember 2019 09:30 Håkan Juholt hefur nú gegnt stöðu sendiherra á Íslandi í á þriðja ár og segir hann að hann vonist til að með bókinni verði hægt að auka sameiginleika landanna og samkennd. Håkan Juholt, sendiherra Svíþjóðar á Íslandi hefur í félagi við teiknarann Börje Svensson gefið út litabók með texta sem ætlað er auka þekkingu og ýta undir að við sýnum hvert öðru áhuga. Í bókinni segir frá hinum sænska Oscar og hinni íslensku Freyju þar sem þau segja hvort öðru frá sínu landi. Juholt hefur nú gegnt stöðu sendiherra á Íslandi í á þriðja ár og segir hann að hann vonist til að með bókinni verði hægt að auka sameiginleika landanna og samkennd. Dregur hann fram líkindi milli Svíþjóðar og Íslands, en einnig það sem er ólíkt, séð úr augum barna. Bókin ber heitið Svona gerum við. Við gerum svona. „Bókin byggir á fínum myndum Börje Svensson. Mitt framlag er að ég hef skrifað þessa stuttu texta um Freyju og Oscar. Börnin segja hvort öðru frá lífi sínu í sínu heimalandi, um hefðir, sérstaka staði, mat og áhugamál,“ segir Juholt. Í bókinni segja þau Freyja og Oscar meðal annars frá Hallgrímskirkju, sænskar bolludagsbollur (s. semlor), elgum og fleiru.Oscar segir hér frá elgunum í sænsku skógunum.Óhagnaðardrifið verkefni Börje Svensson var með sýningu í sænska sendiherrabústaðnum síðasta vor og segir að það hafi fín upplifun. „Við „fundum hvorn annan֧“ og byrjuðum fljótlega að ræða um að vinna að verkefni saman. Ég sá hvað Håkan var virkur í sinni vinnu að auka tengslin milli Svíþjóðar og Íslands, svo ég lagði til að við myndum vinna saman litabók og hann beit á, var til í það.“ Juholt segist hafa líkað mjög vel við hugmyndina um litabók fyrir börn. „Bókin er framlag til þess að auka áhuga á og þekkingu um hvert annað. Það er mikil hlýja og gleði í myndum Börje. Þetta er óhagnaðardrifið verkefni og það er von mín að bókin nái til sem flestra fjölskyldna og geri okkur forvitnari um hvert annað.“ Sala ætluð að standa straum af prentkostnaði Juholt segir að litabókin verði til að byrja með seld á 400 krónur til að standa straum af prentkostnaði og að eftir það verði hægt að nálgast hana frítt. Vonast hann til að síðar verði hægt að dreifa litabókinni frítt í skóla, sjúkrahús, til félagasamtaka og allra þeirra sem áhuga hafa. Þó gætu einhverjir mánuðir liðið þar til að það verði hægt. „Þannig að þeir sem kaupa litabókina, gera það verkefni að möguleika,“ segir sendiherrann. Hann segir að hægt verði að nálgast bókina til dæmis með því að hafa samband í tölvupósti, hakan.juholt@gov.se, eða þá í gegnum Facebook-síðu hans. Börn og uppeldi Myndlist Svíþjóð Mest lesið Einar á Söndru Bullock mikið að þakka Lífið Valerie Mahaffey er látin Lífið Race Across the World-keppandi látinn eftir bílveltu Lífið Jóhanna Guðrún gæsuð Lífið Birta Líf og Gunnar Patrik gáfu dótturinni nafn Lífið Á loks réttinn að öllum plötunum sínum Lífið Krakkatían: Lilo & Stitch, Skólahreysti og útskriftir Lífið „Ég fæ ekki á broddinn nema Knicks vinni“ Lífið Matti Matt nú meistari Lífið Yfir tvö hundruð tryllitæki sýnd um helgina Lífið samstarf Fleiri fréttir Þjóðin virðist tengja við streituna Birta Sólveig fer með hlutverk Línu Langsokks Emilíana og Víkingur Heiðar meðal tólf tilnefndu Listrænn stjórnandi Bolshoj-ballettsins til margra áratuga látinn Ungfrú Ísland með flestar tilnefningar Stendur fyrir auðmannsgleði í Elliðaárdal Eliza Reid efst á bóksölulistanum Opnaði sumarið með sólríkum stæl Eitt merkilegasta verk 21. aldarinnar á Íslandi Blautir búkar og pylsupartí Mæðgin á stóra sviðinu í Feneyjum með íslenskan arkitektúr Sjá meira
Håkan Juholt, sendiherra Svíþjóðar á Íslandi hefur í félagi við teiknarann Börje Svensson gefið út litabók með texta sem ætlað er auka þekkingu og ýta undir að við sýnum hvert öðru áhuga. Í bókinni segir frá hinum sænska Oscar og hinni íslensku Freyju þar sem þau segja hvort öðru frá sínu landi. Juholt hefur nú gegnt stöðu sendiherra á Íslandi í á þriðja ár og segir hann að hann vonist til að með bókinni verði hægt að auka sameiginleika landanna og samkennd. Dregur hann fram líkindi milli Svíþjóðar og Íslands, en einnig það sem er ólíkt, séð úr augum barna. Bókin ber heitið Svona gerum við. Við gerum svona. „Bókin byggir á fínum myndum Börje Svensson. Mitt framlag er að ég hef skrifað þessa stuttu texta um Freyju og Oscar. Börnin segja hvort öðru frá lífi sínu í sínu heimalandi, um hefðir, sérstaka staði, mat og áhugamál,“ segir Juholt. Í bókinni segja þau Freyja og Oscar meðal annars frá Hallgrímskirkju, sænskar bolludagsbollur (s. semlor), elgum og fleiru.Oscar segir hér frá elgunum í sænsku skógunum.Óhagnaðardrifið verkefni Börje Svensson var með sýningu í sænska sendiherrabústaðnum síðasta vor og segir að það hafi fín upplifun. „Við „fundum hvorn annan֧“ og byrjuðum fljótlega að ræða um að vinna að verkefni saman. Ég sá hvað Håkan var virkur í sinni vinnu að auka tengslin milli Svíþjóðar og Íslands, svo ég lagði til að við myndum vinna saman litabók og hann beit á, var til í það.“ Juholt segist hafa líkað mjög vel við hugmyndina um litabók fyrir börn. „Bókin er framlag til þess að auka áhuga á og þekkingu um hvert annað. Það er mikil hlýja og gleði í myndum Börje. Þetta er óhagnaðardrifið verkefni og það er von mín að bókin nái til sem flestra fjölskyldna og geri okkur forvitnari um hvert annað.“ Sala ætluð að standa straum af prentkostnaði Juholt segir að litabókin verði til að byrja með seld á 400 krónur til að standa straum af prentkostnaði og að eftir það verði hægt að nálgast hana frítt. Vonast hann til að síðar verði hægt að dreifa litabókinni frítt í skóla, sjúkrahús, til félagasamtaka og allra þeirra sem áhuga hafa. Þó gætu einhverjir mánuðir liðið þar til að það verði hægt. „Þannig að þeir sem kaupa litabókina, gera það verkefni að möguleika,“ segir sendiherrann. Hann segir að hægt verði að nálgast bókina til dæmis með því að hafa samband í tölvupósti, hakan.juholt@gov.se, eða þá í gegnum Facebook-síðu hans.
Börn og uppeldi Myndlist Svíþjóð Mest lesið Einar á Söndru Bullock mikið að þakka Lífið Valerie Mahaffey er látin Lífið Race Across the World-keppandi látinn eftir bílveltu Lífið Jóhanna Guðrún gæsuð Lífið Birta Líf og Gunnar Patrik gáfu dótturinni nafn Lífið Á loks réttinn að öllum plötunum sínum Lífið Krakkatían: Lilo & Stitch, Skólahreysti og útskriftir Lífið „Ég fæ ekki á broddinn nema Knicks vinni“ Lífið Matti Matt nú meistari Lífið Yfir tvö hundruð tryllitæki sýnd um helgina Lífið samstarf Fleiri fréttir Þjóðin virðist tengja við streituna Birta Sólveig fer með hlutverk Línu Langsokks Emilíana og Víkingur Heiðar meðal tólf tilnefndu Listrænn stjórnandi Bolshoj-ballettsins til margra áratuga látinn Ungfrú Ísland með flestar tilnefningar Stendur fyrir auðmannsgleði í Elliðaárdal Eliza Reid efst á bóksölulistanum Opnaði sumarið með sólríkum stæl Eitt merkilegasta verk 21. aldarinnar á Íslandi Blautir búkar og pylsupartí Mæðgin á stóra sviðinu í Feneyjum með íslenskan arkitektúr Sjá meira