Max von Sydow látinn

Sænski leikarinn Max von Sydow er látinn, níræður að aldri. Á ferli sínum lék von Sydow í fleiri en hundrað kvikmyndum og sjónvarpsþáttaröðum, þar á meðal í „Sjöunda innsiglinu“ og „Særingarmanninum“.

Fjölskylda leikarans greindi frá því að hann hefði andast í gær, að sögn breska ríkisútvarpsins BBC. Hann hafði haldið áfram að leika langt inn á níræðisaldurinn. Þannig kom hann meðal annars fram í þremur þáttum af „Krúnuleikunum“ árið 2016.

Þekktastur var von Sydow fyrir hlutverk sín í kvikmyndum samlanda síns Ingmars Berman. Þeir gerðu ellefu kvikmyndir saman, þar á meðal „Sjöunda innsiglið“ þar sem persóna von Sydow tefldi meðal annars við Dauðann.