Tilkynnt var um heimilisofbeldi í Vesturbænum rétt fyrir klukkan átta í morgun. Þegar lögregla kom á staðinn veittist húsráðandi að lögreglu og gaf lögreglumanni hnefahögg í andlitið að því er kemur fram í tilkynningu frá lögreglu.
Húsráðendur voru vistaðir í fangaklefum lögreglu í morgun.
Lögreglan á Suðurnesjum stöðvaði í fyrradag kannabisræktun í íbúðarhúsnæði en búið var að koma upp tveimur tjöldum í svefnherbergjum þar sem plönturnar voru ræktaðar.
Rúmlega hundrað mál voru skráð hjá lögreglunni frá klukkan fimm í gær til fimm í morgun og þó þau hafi verið að ýmsum toga sneru flest þeirra að fólki undir áhrifum áfengis og/eða fíkniefna.
