Eyjamönnum og Keflavíkurkonum spáð sigri í Lengjudeildunum

ÍBV er spáð sigri í Lengjudeild karla í knattspyrnu og Keflavík er spáð sigri í Lengjudeild kvenna en kynningarfundur Lengjudeildanna tveggja fór fram í dag.

Á kynningarfundinum var meðal efnis var hin árlega spá formanna, þjálfara og fyrirliða um lokastöðu liðanna í deildinni.

ÍBV og Keflavík er spáð sæti í Pepsi Max deild karla að ári á meðan Leikni F. og Magna er spáð falli. Eyjamenn fengu yfirburðarkosningu og alls 50 stigum meira en næsta lið.

ÍBV og Grindavík féllu úr Pepsi Max deildinni síðasta haust en Grindvíkingar lentu í þriðja sæti í spánni.

Nýliðum Vestra er spáð 8. sæti og að þeir munu halda sér í deildinni en hinum nýliðunum í Leikni F. er spáð falli. Það munaði hins vegar ekki miklu á Leikni og Þrótturum sem gætu verið í vandræðum í sumar.

Keflavík og Haukum er spáð góðu gengi í Lengjudeild kvenna í sumar, á meðan Fjölni og Völsung er spáð falli í 2. deild.