Telur her­æfinguna nauð­syn­lega til að tryggja öryggi Ís­lands

Dynamic Mongoose, kafbátaeftirlitsæfing Atlantshafsbandalagsins, hófst við Ísland í dag. Varaaðmíráll segir æfinguna mikilvæga svo hægt sé að tryggja öryggi á svæðinu, komi til átaka.

Fimm kafbátar, fimm herskip og fimm kafbátaleitarflugvélar frá sex ríkjum taka þátt í æfingunni sem verður framvegis haldin hér við Ísland á oddatöluárum.

Á stafrænum blaðamannafundi sagði Andrew Burcher, sem sér um kafbátaaðgerðir bandalagsins að staðsetning Íslands sé mikilvæg í herfræðilegu samhengi, því sé hafið í kringum landið ákjósanlegur staður fyrir æfinguna.

„Ef Rússar vilja koma flota sínum á Atlantshafið þurfa þeir að fara framhjá Íslandi. Þess vegna er brýnt að tryggja að við búum yfir þeirri færni sem þarf til að tryggja yfirráð neðansjávar á svæðinu. Þannig gætum við haldið stjórninni ef til átaka kemur,“ sagði Burcher.