Mitt stærsta afrek ef Ísland kæmist á EM - „Allir sögðu mér að þetta væri slæm hugmynd“ Sindri Sverrisson skrifar 14. júlí 2020 12:00 Erik Hamrén og Gunnar Gylfason, starfsmaður KSÍ, fagna innilega í sigri gegn Tyrklandi á Laugardalsvelli. VÍSIR/GETTY Erik Hamrén er orðinn langeygður eftir því að fá að hitta lærisveina sína í íslensk karlalandsliðinu í fótbolta. Átta mánuðir eru liðnir síðan að hann var síðast með aðalhópinn sinn en biðinni lýkur þegar Ísland mætir Englandi á Laugardalsvelli 5. september, í Þjóðadeildinni. Hamrén segist í viðtali við FIFA sjá sitthvað jákvætt við hléið langa frá fótboltanum, sem er afleiðing kórónuveirufaraldursins, þar sem hann hafi getað varið meiri tíma með fjölskyldunni og spilað meira golf en vanalega. „Samt sem áður sakna ég fótboltans mikið og ég hlakka til að byrja almennilega aftur. Ég hitti leikmennina síðast í nóvember svo biðin var orðin löng jafnvel áður en öllu var skellt í lás. Og við vorum allir farnir að hlakka mikið til og undirbúa okkur fyrir EM umspilsleikina. Það er því frábært að það sé að styttast í þá,“ sagði Hamrén. Ísland mætir Rúmeníu á Laugardalsvelli 8. október og sigurliðið í þeim leik mætir Búlgaríu eða Ungverjalandi 12. nóvember í úrslitaleik um sæti á EM næsta sumar. Þangað stefna Hamrén og hans menn fullum fetum. Hamrén fór með Svíþjóð á EM 2012 og 2016, og hefur unnið danska og norska meistaratitilinn, en tekur undir að það yrði sitt stærsta afrek að koma Íslandi á EM: „Það yrði það sennilega, einfaldlega vegna þess hve mikill munur er á stærð þjóðanna, og vegna þess að nánast allir sögðu mér að þetta væri slæm hugmynd; að taka við þessu starfi. Það yrði algjörlega stórkostlegt fyrir litla þjóð eins og Ísland að komast á þrjú stórmót í röð, og já, ég held að það yrði mitt stærsta afrek sem þjálfari,“ sagði Hamrén. Erik Hamrén hlakkar mikið til að komast aftur á Laugardalsvöll til að stýra íslenska landsliðinu.VÍSIR/VILHELM Eina vandamálið verið meiðsli lykilmanna Fólk taldi Hamrén „klikkaðan“ að taka við íslenska landsliðinu þar sem að leiðin gæti eiginlega aðeins legið niður á við, eftir að liðið hafði komist á EM og HM auk þess sem leikmannahópurinn sem að þeim afrekum stóð var tekinn að eldast. Hamrén var spurður út í það hvort einhver endurnýjun hefði átt sér stað í liðinu og kvaðst ekki kvíða framtíðinni en benti á að enn væri nóg eftir á tanknum hjá gullkynslóðinni. „Ég hef verið mjög ánægður með leikmennina hvað þetta varðar. Ég velti þessari spurningu fyrir mér þegar ég tók við; hafa þessir eldri leikmenn enn hæfileikana og hungrið til að ná enn meiri mögnuðum árangri með Íslandi? Og ég hef séð að svo er. Ég er svakalega ánægður með hugarfarið þeirra. Eina vandamálið sem við höfum glímt við, sem hafði áhrif á fyrri þjálfara líka, eru meiðsli mikilvægra leikmanna. Fólkið hérna sagði mér að byrjunarliðið hefði nánast verið það sama í fjögur ár, og sá stöðugleiki hefur hjálpað mikið. Þannig hefur þetta hins vegar ekki verið síðustu ár, og ef að nokkrir lykilmenn eru meiddir er það mun erfiðara fyrir fámenna þjóð, með færri leikmenn til að velja úr. Þetta hefur þó gefið okkur tækifæri til að taka inn og prófa yngri leikmenn, og sumir þeirra hafa virkilega gripið tækifærið. Ég sé svo sannarlega framtíð hjá Íslandi þegar þessi magnaða kynslóð hættir að spila,“ sagði Hamrén. EM 2020 í fótbolta Fótbolti Mest lesið Besta fótboltakona heims lögð inn á sjúkrahús fimm dögum fyrir EM Fótbolti Sjáðu stórkostlegt mark Sveindísar í lokaleiknum fyrir EM Fótbolti Tönnin slegin úr henni og var svo bannað að koma aftur inn á völlinn Körfubolti Níu ár síðan að strákarnir okkar „slökktu á“ Steve McClaren í beinni á Sky Sports Fótbolti Brentford hafnaði tilboði Manchester United Enski boltinn Umdeildur öryggisvörður fær stuðning frá Haaland Fótbolti Hetja Blika í kvöld lá í viku inn á spítala í janúar með blóðsýkingu Íslenski boltinn Olivier Giroud verður liðsfélagi Hákonar Fótbolti Færeyingar töpuðu eftir tvíframlengdan leik Handbolti Svarar ekki Óskari Hrafni: „Ég tala bara úti á velli, ekki eftir á“ Íslenski boltinn Fleiri fréttir Hélt að Arnar væri að djóka í sér: „Maður var í smá sjokki“ Besta fótboltakona heims lögð inn á sjúkrahús fimm dögum fyrir EM Olivier Giroud verður liðsfélagi Hákonar Brentford hafnaði tilboði Manchester United Umdeildur öryggisvörður fær stuðning frá Haaland Hetja Blika í kvöld lá í viku inn á spítala í janúar með blóðsýkingu Níu ár síðan að strákarnir okkar „slökktu á“ Steve McClaren í beinni á Sky Sports Svarar ekki Óskari Hrafni: „Ég tala bara úti á velli, ekki eftir á“ ÍR-ingar gefa ekkert eftir og tóku toppsætið aftur af Njarðvík Uppgjörið: Stjarnan-Breiðablik 1-4 | Kristófer með þrennu á móti uppeldisfélaginu Uppgjörið: KA-Valur 2-5 | Valsmenn með annan stórsigurinn í röð Sjáðu stórkostlegt mark Sveindísar í lokaleiknum fyrir EM Önnur góð Reykjavíkurferð hjá Þórsurum Liverpool semur við fyrrum liðsfélaga Stefáns Teits David Beckham lagður inn á sjúkrahús Heldur ekki áfram með Leicester Uppgjörið: Serbía - Ísland 1-3 | Allt klappað og klárt fyrir EM Glódís byrjar gegn Serbum á þrjátíu ára afmælisdegi sínum Sjáðu ótrúlegt slysamark gegn fyrstu mótherjum Íslands á EM Obbekjær hentaði Blikum ekki og fer aftur til Færeyja Liðsfélagi hjá AGF sannfærði Mikael um að semja við Djurgården „Nú hljóta viðvörunarbjöllur að hringja“ Gæti orðið dýrastur í sögu KR Stjarnan staðfestir komu Caulker Kerkez orðinn leikmaður Liverpool Birkir gæti hætt: Fékk spennandi starf en svo fór allt í skrúfuna Mbappé mættur aftur mun léttari eftir magakveisuna Mikael mættur til Stokkhólms að semja við Djurgården Tvö rauð spjöld og slagsmál er Inter komst áfram Stefán Teitur og félagar auglýsa Tik Tok stjörnur Sjá meira
Erik Hamrén er orðinn langeygður eftir því að fá að hitta lærisveina sína í íslensk karlalandsliðinu í fótbolta. Átta mánuðir eru liðnir síðan að hann var síðast með aðalhópinn sinn en biðinni lýkur þegar Ísland mætir Englandi á Laugardalsvelli 5. september, í Þjóðadeildinni. Hamrén segist í viðtali við FIFA sjá sitthvað jákvætt við hléið langa frá fótboltanum, sem er afleiðing kórónuveirufaraldursins, þar sem hann hafi getað varið meiri tíma með fjölskyldunni og spilað meira golf en vanalega. „Samt sem áður sakna ég fótboltans mikið og ég hlakka til að byrja almennilega aftur. Ég hitti leikmennina síðast í nóvember svo biðin var orðin löng jafnvel áður en öllu var skellt í lás. Og við vorum allir farnir að hlakka mikið til og undirbúa okkur fyrir EM umspilsleikina. Það er því frábært að það sé að styttast í þá,“ sagði Hamrén. Ísland mætir Rúmeníu á Laugardalsvelli 8. október og sigurliðið í þeim leik mætir Búlgaríu eða Ungverjalandi 12. nóvember í úrslitaleik um sæti á EM næsta sumar. Þangað stefna Hamrén og hans menn fullum fetum. Hamrén fór með Svíþjóð á EM 2012 og 2016, og hefur unnið danska og norska meistaratitilinn, en tekur undir að það yrði sitt stærsta afrek að koma Íslandi á EM: „Það yrði það sennilega, einfaldlega vegna þess hve mikill munur er á stærð þjóðanna, og vegna þess að nánast allir sögðu mér að þetta væri slæm hugmynd; að taka við þessu starfi. Það yrði algjörlega stórkostlegt fyrir litla þjóð eins og Ísland að komast á þrjú stórmót í röð, og já, ég held að það yrði mitt stærsta afrek sem þjálfari,“ sagði Hamrén. Erik Hamrén hlakkar mikið til að komast aftur á Laugardalsvöll til að stýra íslenska landsliðinu.VÍSIR/VILHELM Eina vandamálið verið meiðsli lykilmanna Fólk taldi Hamrén „klikkaðan“ að taka við íslenska landsliðinu þar sem að leiðin gæti eiginlega aðeins legið niður á við, eftir að liðið hafði komist á EM og HM auk þess sem leikmannahópurinn sem að þeim afrekum stóð var tekinn að eldast. Hamrén var spurður út í það hvort einhver endurnýjun hefði átt sér stað í liðinu og kvaðst ekki kvíða framtíðinni en benti á að enn væri nóg eftir á tanknum hjá gullkynslóðinni. „Ég hef verið mjög ánægður með leikmennina hvað þetta varðar. Ég velti þessari spurningu fyrir mér þegar ég tók við; hafa þessir eldri leikmenn enn hæfileikana og hungrið til að ná enn meiri mögnuðum árangri með Íslandi? Og ég hef séð að svo er. Ég er svakalega ánægður með hugarfarið þeirra. Eina vandamálið sem við höfum glímt við, sem hafði áhrif á fyrri þjálfara líka, eru meiðsli mikilvægra leikmanna. Fólkið hérna sagði mér að byrjunarliðið hefði nánast verið það sama í fjögur ár, og sá stöðugleiki hefur hjálpað mikið. Þannig hefur þetta hins vegar ekki verið síðustu ár, og ef að nokkrir lykilmenn eru meiddir er það mun erfiðara fyrir fámenna þjóð, með færri leikmenn til að velja úr. Þetta hefur þó gefið okkur tækifæri til að taka inn og prófa yngri leikmenn, og sumir þeirra hafa virkilega gripið tækifærið. Ég sé svo sannarlega framtíð hjá Íslandi þegar þessi magnaða kynslóð hættir að spila,“ sagði Hamrén.
EM 2020 í fótbolta Fótbolti Mest lesið Besta fótboltakona heims lögð inn á sjúkrahús fimm dögum fyrir EM Fótbolti Sjáðu stórkostlegt mark Sveindísar í lokaleiknum fyrir EM Fótbolti Tönnin slegin úr henni og var svo bannað að koma aftur inn á völlinn Körfubolti Níu ár síðan að strákarnir okkar „slökktu á“ Steve McClaren í beinni á Sky Sports Fótbolti Brentford hafnaði tilboði Manchester United Enski boltinn Umdeildur öryggisvörður fær stuðning frá Haaland Fótbolti Hetja Blika í kvöld lá í viku inn á spítala í janúar með blóðsýkingu Íslenski boltinn Olivier Giroud verður liðsfélagi Hákonar Fótbolti Færeyingar töpuðu eftir tvíframlengdan leik Handbolti Svarar ekki Óskari Hrafni: „Ég tala bara úti á velli, ekki eftir á“ Íslenski boltinn Fleiri fréttir Hélt að Arnar væri að djóka í sér: „Maður var í smá sjokki“ Besta fótboltakona heims lögð inn á sjúkrahús fimm dögum fyrir EM Olivier Giroud verður liðsfélagi Hákonar Brentford hafnaði tilboði Manchester United Umdeildur öryggisvörður fær stuðning frá Haaland Hetja Blika í kvöld lá í viku inn á spítala í janúar með blóðsýkingu Níu ár síðan að strákarnir okkar „slökktu á“ Steve McClaren í beinni á Sky Sports Svarar ekki Óskari Hrafni: „Ég tala bara úti á velli, ekki eftir á“ ÍR-ingar gefa ekkert eftir og tóku toppsætið aftur af Njarðvík Uppgjörið: Stjarnan-Breiðablik 1-4 | Kristófer með þrennu á móti uppeldisfélaginu Uppgjörið: KA-Valur 2-5 | Valsmenn með annan stórsigurinn í röð Sjáðu stórkostlegt mark Sveindísar í lokaleiknum fyrir EM Önnur góð Reykjavíkurferð hjá Þórsurum Liverpool semur við fyrrum liðsfélaga Stefáns Teits David Beckham lagður inn á sjúkrahús Heldur ekki áfram með Leicester Uppgjörið: Serbía - Ísland 1-3 | Allt klappað og klárt fyrir EM Glódís byrjar gegn Serbum á þrjátíu ára afmælisdegi sínum Sjáðu ótrúlegt slysamark gegn fyrstu mótherjum Íslands á EM Obbekjær hentaði Blikum ekki og fer aftur til Færeyja Liðsfélagi hjá AGF sannfærði Mikael um að semja við Djurgården „Nú hljóta viðvörunarbjöllur að hringja“ Gæti orðið dýrastur í sögu KR Stjarnan staðfestir komu Caulker Kerkez orðinn leikmaður Liverpool Birkir gæti hætt: Fékk spennandi starf en svo fór allt í skrúfuna Mbappé mættur aftur mun léttari eftir magakveisuna Mikael mættur til Stokkhólms að semja við Djurgården Tvö rauð spjöld og slagsmál er Inter komst áfram Stefán Teitur og félagar auglýsa Tik Tok stjörnur Sjá meira