Lögreglan lýsir eftir karlmanni

Lögreglan á höfuðborgarsvæðinu lýsir eftir José M. Ferraz da Costa Almeida, 41 árs portúgölskum ríkisborgara sem lögregla segir ganga undir nafninu Marco Costa. Costa er 183 sentímetrar á hæð en ekki er tilgreint í tilkynningu hvers vegna lýst er eftir honum.

Þeir sem þekkja til Marco Costa eða vita hvar hann er að finna eru beðnir um að hringja í lögregluna í síma 112. Upplýsingum má jafnframt koma á framfæri í tölvupósti á netfangið abending@lrh.is eða í einkaskilaboðum á fésbókarsíðu lögreglunnar á höfuðborgarsvæðinu.

Marco Costa er jafnframt sjálfur hvattur til að hafa samband við lögreglustöðina á Hverfisgötu 113-115 í Reykjavík.