Tveir smitaðir hjá At­letico þegar fjórir dagar eru í Meistara­deildar­leik

Atletico Madrid hefur tilkynnt að tveir hafi greinst með kórónuveiruna í prófunum sem voru framkvæmd á æfingasvæði félagsins.

Atletico Madrid á að spila gegn Leipzig í átta liða úrslitum Meistaradeildarinnar í Portúgal á fimmtudagskvöldið þar sem restin af leikjunum í Meistaradeildinni fara fram.

Allir leikmenn sem og starfsfólk félagsins gekkst undir kórónuveirupróf að beiðni UEFA í dag og úr þeim prófunum kom í ljós að tveir eru smitaðir.

Ekki hefur verið gefið út hvort að þetta séu leikmenn eða starfsmenn sem hafa greinst með veiruna en þeir hafa verið settir í einangrun.

Því verða leikmenn og starfsfólk Atletico aftur sent í kórónuveirupróf á næstu dögum, til að sjá hvort að fleiri hafi smitast.