Teitur Örlygsson, einn sérfræðinga Domino's Körfuboltakvölds, var ekki hrifinn af tveimur leikhléum Baldurs Þórs Ragnarssonar, þjálfara Tindastóls, í tapinu fyrir Keflavík, 95-84, í gær.
Baldur reyndi að vekja sína menn með þrumuræðum sem innihéldu vænan skerf af blótsyrðum.
„Án gríns strákar, hvað var ég að horfa á?“ spurði Teitur forviða í þætti gærkvöldsins eftir að hafa horft aftur á leikhléin.
„Mér finnst þetta bjánalegt. Þetta er leikur í deild í janúar og þú ert hársbreidd frá heilablóðfalli, taugaáfalli og öllum pakkanum.“
Teitur segir að svona aðferð virki ekki til lengri tíma.
„Þetta virkar aldrei aftur á leikmenn, að öskra svona á þá, fullorðna menn. Það voru allir hættir að hlusta á hann,“ sagði Teitur.
„Þetta virkar kannski einu sinni. En að öskra svona á fullorðna menn trekk í trekk. Ég myndi frekar labba út heldur en að láta tala svona við mig. Geymdu þetta fyrir bikarúrslitaleik eða úrslitakeppni þegar þú ætlar virkilega að tosa eitthvað upp úr hattinum.“
Innslagið í heild sinni má sjá í spilaranum hér fyrir ofan.
Teiti fannst leikhlé Baldurs bjánaleg
Tengdar fréttir
Umfjöllun og viðtöl: Keflavík - Tindastóll 95-84 | Keflavík skellti Stólunum
Keflavík vann Tindastól, 95-84, í stórleik umferðarinnar í Dominos-deild karla en þetta er í annað skipti í tveimur tilraunum sem Keflvíkingar hafa betur gegn Stólunum.
Þrumuleikhlé Baldurs og tröllatroðsla Williams | Myndbönd
Það var nóg um tilþrif í stórleik kvöldsins í Dominos-deild karla í körfubolta.
„Mér sýnist að hann hafi verið pínulítið hress með það sjálfur“
Reynslubolti og ungur pjakkur voru mikilvægir fyrir KR-liðið í sigri í Grindavík í fyrsta leik Íslandsmeistarana á árinu 2020. Domino´s Körfuboltakvöld fór yfir frammistöðu þeirra Brynjars Þórs Björnssonar og Þorvaldar Orra Árnasonar í sigrinum í Mustad-höllinni á sunnudagskvöldið.
