Körfubolti

Óvænt framlag frá Rondo í enn einum sigri Lakers | Enginn Giannis, engin vandamál hjá Milwaukee

Ingvi Þór Sæmundsson skrifar
Rajon Rondo átti sinn besta leik í vetur hvað stigaskorun varðar.
Rajon Rondo átti sinn besta leik í vetur hvað stigaskorun varðar. vísir/getty

Anthony Davis skoraði 25 stig og tók tíu fráköst þegar Los Angeles Lakers sigraði Phoenix Suns, 125-100, í NBA-deildinni í nótt.

Rajon Rondo skoraði 23 stig sem er það mesta sem hann hefur gert í vetur og LeBron James var með 17 stig, átta fráköst og níu stoðsendingar. Lakers er á toppnum í Vesturdeildinni.



Átta aðrir leikir fóru fram í NBA-deildinni í nótt.

Meistarar Toronto Raptors unnu fimmtánda leikinn í röð þegar þeir lögðu Minnesota Timberwolves að velli, 137-126.

Fjórir leikmenn Toronto skoruðu 21 stig eða meira í leiknum. Pascal Siakam var þeirra stigahæstur með 34 stig.



Toronto er í 2. sæti Austurdeildarinnar á eftir Milwaukee Bucks sem vann Sacramento Kings, 123-111, á heimavelli. Milwaukee hefur unnið 25 af 28 heimaleikjum sínum í vetur.

Giannis Antetokounmpo lék ekki með Milwaukee þar sem hann tók á móti sínu fyrsta barni. Fjarvera hans kom ekki að sök. Khris Middleton og Eric Bledsoe skoruðu 28 stig hvor fyrir Milwaukee sem hefur unnið fimm leiki í röð.



Andre Iguodala hrósaði sigri gegn sínum gömlu félögum þegar Miami Heat lagði Golden State Warriors að velli, 101-113. Iguodala, sem varð þrisvar sinnum meistari með Golden State, skoraði tvö stig í leiknum.

Jimmy Butler og Jae Crowder voru stigahæstir í liði Miami með 21 stig hvor.



Úrslitin í nótt:

LA Lakers 125-100 Phoenix

Toronto 137-126 Minnesota

Milwaukee 123-111 Sacramento

Golden State 101-113 Miami

Detroit 76-87 Charlotte

Indiana 105-106 Brooklyn

Orlando 135-126 Atlanta

Dallas 123-11 Sacramento

Denver 127-120 San Antonio

NBA

Mest lesið


Fleiri fréttir

Sjá meira


×

Mest lesið