David Blaine svífur um loftið með helíumblöðrum

Töframaðurinn David Blaine ætlar sér að svífa um loftið í Arizona í Bandaríkjunum og aðeins fastur við 52 helíumblöðrur.

Talið er að Blaine geti farið í 18.000 feta hæð í tilrauninni sem átti upphaflega að fara fram í New York en vegna veðurs var tilraunin færð í eyðimörkina í Arizona.

Bein útsending er hafin frá tilrauninni og má fylgjast með henni hér að neðan.

Blaine er í raun að endurleika atriði úr frægri kvikmynd, The Red Balloon sem kom út árið 1956.

Uppfært klukkan 15:53 - Tilraun David Blaine heppnaðist fullkomnlega og komst hann í 24.900 feta hæð. Þá lét hann sig falla til jarðar og lenti á jörðinni í fallhlíf. Þegar Blaine var kominn í 18.000 feta hæð upplifði hann töluverðan súrefnisskort en var með súrefni með í för.