Luis Suarez spilaði sinn fyrsta leik fyrir Atletico Madrid í dag er Madrídingar rúlluðu yfir Granada, 6-1.
Diego Costa kom Atletico yfir í fyrri hálfleik og þannig stóðu leikar í hálfleik. Í síðari hálfleik fóru heimamenn á kostum.
Angel Correa kom Atletico í 2-0 á 47. mínútu og Joao Felix skoraði þriðja markið er 65 mínútur voru komnar á klukkuna.
Suarez var skipt inn á 72. mínútu og innan við tveimur mínútum síðar lagði hann upp mark fyrir Marcos Llorente.
Það var svo Suarez sjálfur sem skoraði fimmta markið áður en Jorge Molina minnkaði muninn fyrir Granada.
It took Luis Suárez 890 seconds to score his first goal in an Atlético Madrid shirt.
— Squawka Football (@Squawka) September 27, 2020
This is going to be *really* fun. https://t.co/MwvrYJwFlK
Í uppbótartímanum var það svo saftur Suarez sem skoraði og lokatölur 6-1. Frábær byrjun Suarez.
Þetta var fyrsti leikur Atletico á leiktíðinni en Granada er með sex stig eftir fyrstu þrjá leikina.