LeBron byrjaði á­tjánda árið á þre­faldri tvennu | Mynd­bönd

Þetta er átjánda árið á atvinnumannaferli LeBron James en hann byrjaði að spila með Cleveland Cavaliers árið 2003.

Hann fagnaði því með 26 stigum, ellefu fráköstum og tíu stoðsendingum en stigahæstur í liði meistaranna var þá Anthony Davis. Hann gerði 34 stig.

Luka Doncic fór fyrir liði Dallas sem vann tíu stiga sigur á Miami, 93-83, en Slóveninn skoraði 27 stig, tók fimmtán fráköst og gaf sjö stoðsendingar. Hann heldur því uppteknum hætti frá síðustu leiktíð.

Detroit Pistons og Washington Wizards unnu loksins sína fyrstu leiki í nótt. Washington unnu 130-109 sigur á Minnesota en Detroit marði Boston, 96-93.

Damian Lillard gerði 34 stig og gaf átta stoðsendingar er Portland vann stórsigur á Golden State, 123-98. Stephen Curry gerði 26 stig fyrir Warriors auk þess að taka átta fráköst og gefa fimm stoðsendingar.