Staðan var jöfn að loknum venjulegum leiktíma 86-86 eftir kaflaskiptan leik en Tryggvi og félagar voru mun sterkari í framlengingunni.
Tryggvi sjálfur átti flottan leik. Hann skoraði tíu stig á þeim fimmtán mínútum sem hann spilaði, tók þrjú fráköst og gaf eina stoðsendingu. Hann endaði með sextán framlagspunkta.
Zaragoza er með níu stig í D-riðlinum eftir sigurinn og situr í efsta sæti riðilsins eftir fimm umferðir.
