Nýtt þorskastríð í uppsiglingu?

Boris Johnson forsætisráðherra Breta sendi í gær tvö bresk herskip til eyjunnar Jersey á Ermarsundi til að verja fiskibáta en þar á bæ óttast menn að franskir fiskveiðimenn ætli sér að loka aðkomu að höfn eyjarinnar. 

Ráðherra sjávarútvegsmála í Frakklandi hefur einnig hótað því að lokað verði fyrir rafmagnið á Jersey, fái Frakkar ekki sínu fram, en þeir hafa krafist þess að fá áfram að veiða í lögsögu Jersey, sem er undir breskum yfirráðum. 

Samkomulag hefur hingað til verið um slíkar veiðar en þegar Bretar hurfu úr Evrópusambandinu breyttist allt og nú hafa Bretar gefið út nýjar reglur sem Frakkar eru afar ósáttir við.