Innlent

Sóttu slasaðan ferðamann á Esjuna

Sylvía Hall skrifar
Ferðamaðurinn var kominn upp fyrir stein þegar óhappið varð.
Ferðamaðurinn var kominn upp fyrir stein þegar óhappið varð. Vísir/Vilhelm

Slökkvilið og björgunarsveitarfólk var kallað að Esju í dag til þess að aðstoða þýskan ferðamann sem hafði slasast. Að sögn varðstjóra hafði ferðamaðurinn verið að dást að Esjunni þegar grjót féll niður og á ökkla ferðamannsins.

Í það minnsta sex slökkviliðsmenn aðstoðuðu við að koma ferðamanninum niður sem treysti sér ekki sjálfur niður. Var hann kominn vel upp fyrir stein þegar slysið varð.

Samkvæmt upplýsingum frá slökkviliðinu var ferðamaðurinn nokkuð bólginn á ökkla og var hann fluttur á slysadeild til aðhlynningar.

Slökkvilið Björgunarsveitir Esjan Reykjavík

Mest lesið


Fleiri fréttir

Sjá meira


×

Mest lesið