Tauktae gengur á land í miðjum kórónuveirufaraldri

Að minnsta kosti sex hafa þegar látið lífið og þúsundir þurft að yfirgefa heimili sín í miklum rigningum sem hafa verið undanfari stormsins. 

Óveðrið kemur á afar slæmum tíma fyrir landið þar sem heilbrigðiskerfi Indlands er komið að fótum fram vegna annarar bylgju kórónuveirufaraldursins sem geisað hefur síðustu vikur. 

Búist er við að vindhraði Tauktae verði 160 kílómetrar á klukkustund þegar hann nær landi í dag en auk Gujarat hefur nágrannahéraðið Maharastra einnig verið sett á neyðarstig.