Vináttubönd verða sett til hliðar Valur Páll Eiríksson skrifar 23. maí 2021 10:45 Áþreifanleg spenna er milli liða KR og Vals í körfubolta sem eigast við í þriðja leik sínum í úrslitakeppni Domino's-deildar karla að Hlíðarenda klukkan 20:10 í kvöld. Allt ætlaði upp úr að sjóða eftir síðasta leik liðanna í Vesturbæ á miðvikudag. Liðin snúa nú aftur á vettvang fyrsta leiks þeirra í einvíginu sem fram fór fyrir sléttri viku. Þar vann KR nauman 99-98 seiglusigur. Spennan í leikmönnum var bersýnileg þar sem báðum liðum gekk illa að hitta körfuna í fjórða leikhluta. Það kristallaðist ef til vill helst í fjórum misnotuðum vítaskotum Valsarans Hjálmars Stefánssonar á lokakaflanum. Hjálmar sá eflaust eftir þeim skotum þegar Tyler Sabin setti niður þriggja stiga körfu fyrir KR níu sekúndum fyrir leikslok, sem dugði KR-ingum til naums sigurs. Mörgum líður þó eflaust eins og hálf eilífð sé frá þessu sigurskoti Sabins. Mikið vatn hefur runnið til sjávar í einvíginu síðan. KR-ingar fjölmenntu á Hlíðarenda fyrir viku síðan og skömmu eftir leik birtust myndir af brotnum sætum í höllinni eftir fagnaðarlæti þeirra svarthvítu í stúkunni. Vesturbæingarnir létu vel í sér heyra allan leikinn en voru skiptar skoðanir um það sem kom út úr þeim. Þingkonan Helga Vala Helgadóttir sagði stuðningsmennina sorakjafta eftir að þeir kölluðu Kristófer Acox, fyrrum leikmann KR og núverandi Valsara, júdas. „Persónulegt“ uppgjör hefur Kristófer sjálfur kallað einvígið. Hann er langt því frá að vera eini fyrrum KR-ingurinn í röðum Vals. Jón Arnór Stefánsson, Pavel Ermolinskij og Finnur Atli Magnússon hafa allir verið máttarstólpar í KR-liðinu sem hefur unnið hvern Íslandsmeistaratitilinn á eftir öðrum síðustu ár, og þá var Finnur Freyr Stefánsson, þjálfari Valsmanna, við stjórnartaumana í Vesturbæ í endurteknum titilvörnum KR-liðsins. Eftir annan eins stigs sigur í öðrum leik liðanna, í þetta sinn 85-84 sigur Valsmanna í Vesturbæ, varð á ný ljóst hversu persónulegt einvígið er. Athygli vakti orðaskak Pavels Ermolinskij við tvo stuðningsmanna KR eftir leik og þá heyrðust mikil læti af göngunum í KR-heimilinu þar sem þurfti að stíga á milli manna. Meira að segja sóttvarnarlæknir setti sig inn í umræðuna degi eftir þann leik þar sem hann minnti á settar sóttvarnarreglur. KR stuðningsmenn eru eflaust sárir yfir að sjá leikmenn, sem þeir litu á sem hetjur í raðmeistaraliði félagsins, leika með rauðu grönnunum. Þetta ristir djúpt, líkt og sést á hitanum innan sem utan vallar. Ætli leikmönnunum finnist þeir ekki á móti eiga betri kveðjur skildar eftir áralanga þjónustu fyrir félagið. Í tilfelli Kristófers Acox er ekki ólíklegt að hann vilji senda stjórnarmönnum KR-inga ákveðin skilaboð eftir miklar deilur þar á milli vegna launagreiðslna sem er á leið fyrir dómstóla. Klippa: Pavel og stuðningsmenn KR Á hinum endanum er Darri Freyr Atlason sömuleiðis að mæta sínum fyrrum vinnuveitendum, en hann vann þrefalt með kvennaliði Vals árið 2019. Finnur Freyr þjálfaði hann í yngri flokkum KR forðum daga, líkt og þónokkra leikmenn liðsins og Kristófer Acox, sem er ári eldri en Darri og spilaði með bæði honum og Matthíasi Orra Sigurðarsyni, leikmanni KR, sem unglingar. Bróðir Matthíasar, Jakob Örn Sigurðarson, auk Helga Más Magnússonar og Brynjars Þórs Björnssonar, voru ásamt Völsurunum Pavel, Jóni Arnóri, Finni Atla og Kristóferi, hluti af mörgum af titlaliðum KR-inga síðustu ár, auk þess sem þeir hafa verið félagar í landsliðinu árum saman. Það eru því traust sambönd andstæðinganna á milli nánast hvert sem litið er. Ljóst er hins vegar að mörg vináttubönd verða sett til hliðar um stundarsakir í kvöld þegar liðin mætast að Hlíðarenda klukkan 20:15. Bein útsending hefst klukkan 19:50 á Stöð 2 Sport. Domino's-deildirnar í körfubolta eru á Stöð 2 Sport en upplýsingar um útsendingar má finna hér. Domino's-deildin er hluti af Stöð 2 Sport Ísland sem kostar 3.990 krónur á mánuði en einnig má kaupa útsendingar sem stakan viðburð á 990 krónur. Dominos-deild karla Valur KR Mest lesið Féll næstum því í Harvard vegna höfuðverkjanna Fótbolti Leikdagur í Munchen: Gummi Ben og Kjartan hita upp fyrir stærsta leik ársins Fótbolti Ólympíumeistarinn þarf að fara í kynjapróf til að fá að keppa Sport Sjáðu frábæra afgreiðslu Sveindísar Jane Fótbolti Dagur Dan kallaður inn í íslenska landsliðið Fótbolti Dagskráin: Úrslitaleikur Meistaradeildarinnar á kvöldið Sport Mikil öryggisgæsla í París þótt að úrslitaleikurinn fari fram í München Fótbolti „Þetta er alvöru pakki og alvöru djobb“ Körfubolti Ancelotti: Brasilíska landsliðið mitt mun spila eins og Real Madrid Fótbolti „Þakklát fyrir að vera á leið aftur inn í jafn frábært umhverfi“ Körfubolti Fleiri fréttir „Þetta er alvöru pakki og alvöru djobb“ „Þakklát fyrir að vera á leið aftur inn í jafn frábært umhverfi“ Keypti aðstoð frá norn til að hjálpa Knicks Knicks héldu sér á lífi Næstyngsta liðið fyrst til að rústa fjórum leikjum á leið í úrslitaeinvígið Átti einstakan leik og biðinni frá aldamótum að ljúka Grindavík sækir besta leikmann Hamars/Þórs Dani Rodriguez búin að semja við Njarðvík Daníel Guðni tekur við karlaliði Keflavíkur Náfrændurnir bestir en Thunder þarf bara einn sigur enn Hörður Axel tekur við Keflavík á nýjan leik „Frábær leikmaður en Jokic átti að vinna þessi verðlaun“ „Ódrepandi“ Knicks í sögubækurnar Emilie Hesseldal í Grindavík Úlfarnir bitu frá sér og unnu 42 stiga sigur Elsti leikmaðurinn til að fá MVP atkvæði Stórleikur Martins dugði ekki til og Alba Berlin úr leik Siakam sjóðheitur þegar Pacers komst í 2-0 „Sannleikurinn“ Edwards þarf að skjóta sópinn úr höndum OKC Íslandsmeistarinn Ægir Þór: „Þetta er bara algjör þvæla“ Sylvía snýr aftur með nýliðunum: „Hefur verið nauðsynlegur tími fyrir mig“ Blóðgaði dómara Eru klárlega með gæði til að spila í efstu deild Þýskalands Tók við MVP-styttunni og skoraði svo 38 stig Finnur fyrir miklum létti: „Algjört andlegt rugl“ EuroBasket aftur í fjórum löndum og Spánn stefnir á áhorfendamet Utan vallar: Í reykjarmekki alsælunnar Voru með 0,2 prósent sigurlíkur þegar þrjár mínútur voru eftir en unnu samt „Kemur væntanlega risastórt tómarúm“ Lygilegur endurkomusigur Indiana í MSG Sjá meira
Liðin snúa nú aftur á vettvang fyrsta leiks þeirra í einvíginu sem fram fór fyrir sléttri viku. Þar vann KR nauman 99-98 seiglusigur. Spennan í leikmönnum var bersýnileg þar sem báðum liðum gekk illa að hitta körfuna í fjórða leikhluta. Það kristallaðist ef til vill helst í fjórum misnotuðum vítaskotum Valsarans Hjálmars Stefánssonar á lokakaflanum. Hjálmar sá eflaust eftir þeim skotum þegar Tyler Sabin setti niður þriggja stiga körfu fyrir KR níu sekúndum fyrir leikslok, sem dugði KR-ingum til naums sigurs. Mörgum líður þó eflaust eins og hálf eilífð sé frá þessu sigurskoti Sabins. Mikið vatn hefur runnið til sjávar í einvíginu síðan. KR-ingar fjölmenntu á Hlíðarenda fyrir viku síðan og skömmu eftir leik birtust myndir af brotnum sætum í höllinni eftir fagnaðarlæti þeirra svarthvítu í stúkunni. Vesturbæingarnir létu vel í sér heyra allan leikinn en voru skiptar skoðanir um það sem kom út úr þeim. Þingkonan Helga Vala Helgadóttir sagði stuðningsmennina sorakjafta eftir að þeir kölluðu Kristófer Acox, fyrrum leikmann KR og núverandi Valsara, júdas. „Persónulegt“ uppgjör hefur Kristófer sjálfur kallað einvígið. Hann er langt því frá að vera eini fyrrum KR-ingurinn í röðum Vals. Jón Arnór Stefánsson, Pavel Ermolinskij og Finnur Atli Magnússon hafa allir verið máttarstólpar í KR-liðinu sem hefur unnið hvern Íslandsmeistaratitilinn á eftir öðrum síðustu ár, og þá var Finnur Freyr Stefánsson, þjálfari Valsmanna, við stjórnartaumana í Vesturbæ í endurteknum titilvörnum KR-liðsins. Eftir annan eins stigs sigur í öðrum leik liðanna, í þetta sinn 85-84 sigur Valsmanna í Vesturbæ, varð á ný ljóst hversu persónulegt einvígið er. Athygli vakti orðaskak Pavels Ermolinskij við tvo stuðningsmanna KR eftir leik og þá heyrðust mikil læti af göngunum í KR-heimilinu þar sem þurfti að stíga á milli manna. Meira að segja sóttvarnarlæknir setti sig inn í umræðuna degi eftir þann leik þar sem hann minnti á settar sóttvarnarreglur. KR stuðningsmenn eru eflaust sárir yfir að sjá leikmenn, sem þeir litu á sem hetjur í raðmeistaraliði félagsins, leika með rauðu grönnunum. Þetta ristir djúpt, líkt og sést á hitanum innan sem utan vallar. Ætli leikmönnunum finnist þeir ekki á móti eiga betri kveðjur skildar eftir áralanga þjónustu fyrir félagið. Í tilfelli Kristófers Acox er ekki ólíklegt að hann vilji senda stjórnarmönnum KR-inga ákveðin skilaboð eftir miklar deilur þar á milli vegna launagreiðslna sem er á leið fyrir dómstóla. Klippa: Pavel og stuðningsmenn KR Á hinum endanum er Darri Freyr Atlason sömuleiðis að mæta sínum fyrrum vinnuveitendum, en hann vann þrefalt með kvennaliði Vals árið 2019. Finnur Freyr þjálfaði hann í yngri flokkum KR forðum daga, líkt og þónokkra leikmenn liðsins og Kristófer Acox, sem er ári eldri en Darri og spilaði með bæði honum og Matthíasi Orra Sigurðarsyni, leikmanni KR, sem unglingar. Bróðir Matthíasar, Jakob Örn Sigurðarson, auk Helga Más Magnússonar og Brynjars Þórs Björnssonar, voru ásamt Völsurunum Pavel, Jóni Arnóri, Finni Atla og Kristóferi, hluti af mörgum af titlaliðum KR-inga síðustu ár, auk þess sem þeir hafa verið félagar í landsliðinu árum saman. Það eru því traust sambönd andstæðinganna á milli nánast hvert sem litið er. Ljóst er hins vegar að mörg vináttubönd verða sett til hliðar um stundarsakir í kvöld þegar liðin mætast að Hlíðarenda klukkan 20:15. Bein útsending hefst klukkan 19:50 á Stöð 2 Sport. Domino's-deildirnar í körfubolta eru á Stöð 2 Sport en upplýsingar um útsendingar má finna hér. Domino's-deildin er hluti af Stöð 2 Sport Ísland sem kostar 3.990 krónur á mánuði en einnig má kaupa útsendingar sem stakan viðburð á 990 krónur.
Domino's-deildirnar í körfubolta eru á Stöð 2 Sport en upplýsingar um útsendingar má finna hér. Domino's-deildin er hluti af Stöð 2 Sport Ísland sem kostar 3.990 krónur á mánuði en einnig má kaupa útsendingar sem stakan viðburð á 990 krónur.
Dominos-deild karla Valur KR Mest lesið Féll næstum því í Harvard vegna höfuðverkjanna Fótbolti Leikdagur í Munchen: Gummi Ben og Kjartan hita upp fyrir stærsta leik ársins Fótbolti Ólympíumeistarinn þarf að fara í kynjapróf til að fá að keppa Sport Sjáðu frábæra afgreiðslu Sveindísar Jane Fótbolti Dagur Dan kallaður inn í íslenska landsliðið Fótbolti Dagskráin: Úrslitaleikur Meistaradeildarinnar á kvöldið Sport Mikil öryggisgæsla í París þótt að úrslitaleikurinn fari fram í München Fótbolti „Þetta er alvöru pakki og alvöru djobb“ Körfubolti Ancelotti: Brasilíska landsliðið mitt mun spila eins og Real Madrid Fótbolti „Þakklát fyrir að vera á leið aftur inn í jafn frábært umhverfi“ Körfubolti Fleiri fréttir „Þetta er alvöru pakki og alvöru djobb“ „Þakklát fyrir að vera á leið aftur inn í jafn frábært umhverfi“ Keypti aðstoð frá norn til að hjálpa Knicks Knicks héldu sér á lífi Næstyngsta liðið fyrst til að rústa fjórum leikjum á leið í úrslitaeinvígið Átti einstakan leik og biðinni frá aldamótum að ljúka Grindavík sækir besta leikmann Hamars/Þórs Dani Rodriguez búin að semja við Njarðvík Daníel Guðni tekur við karlaliði Keflavíkur Náfrændurnir bestir en Thunder þarf bara einn sigur enn Hörður Axel tekur við Keflavík á nýjan leik „Frábær leikmaður en Jokic átti að vinna þessi verðlaun“ „Ódrepandi“ Knicks í sögubækurnar Emilie Hesseldal í Grindavík Úlfarnir bitu frá sér og unnu 42 stiga sigur Elsti leikmaðurinn til að fá MVP atkvæði Stórleikur Martins dugði ekki til og Alba Berlin úr leik Siakam sjóðheitur þegar Pacers komst í 2-0 „Sannleikurinn“ Edwards þarf að skjóta sópinn úr höndum OKC Íslandsmeistarinn Ægir Þór: „Þetta er bara algjör þvæla“ Sylvía snýr aftur með nýliðunum: „Hefur verið nauðsynlegur tími fyrir mig“ Blóðgaði dómara Eru klárlega með gæði til að spila í efstu deild Þýskalands Tók við MVP-styttunni og skoraði svo 38 stig Finnur fyrir miklum létti: „Algjört andlegt rugl“ EuroBasket aftur í fjórum löndum og Spánn stefnir á áhorfendamet Utan vallar: Í reykjarmekki alsælunnar Voru með 0,2 prósent sigurlíkur þegar þrjár mínútur voru eftir en unnu samt „Kemur væntanlega risastórt tómarúm“ Lygilegur endurkomusigur Indiana í MSG Sjá meira