Flottur urriði hjá ungum veiðimanni

Vatnið getur verið gjöfult og bleikjan þarna oft væn en urriðinn rétt eins og í Þingvallavatni er líka vænn og það er ekki á allra færi að setja í slíka fiska. Það gerði þó ungur og upprennandi veiðimaður sem heitir Flóki Hólm Viðarsson en hann tók þennan væna 8 punda urriða við vestari bakka Úlfljótsvatns. Þessi væni fiskur var tekinn á litla púpu með 6 punda taum og það er alls ekki á allra færi að landa vænum fiski með svo grannan taum svo það er greinilegt að hér er magnaður ungur veiðimaður á ferð.

Við óskum honum til hamingju með þennan flotta fisk og minnum veiðimenn á að gleyma ekki að taka nokkra túra í Úlfljótsvatn í sumar því það gæti komið þér skemmtilega á óvart. Besta veiðin er eins og annars staðar í silung, fyrst á morgnana og seint á kvöldin en þá er einmitt stóri urriðinn á ferðinni.