Íslenski boltinn

Valur mætir á Kópa­vogs­völl í undan­úr­slitum Mjólkur­bikars kvenna

Runólfur Trausti Þórhallsson skrifar
Stórliðin Breiðablik og Valur mætast í undanúrslitum.
Stórliðin Breiðablik og Valur mætast í undanúrslitum. Vísir/Hulda Margrét

Það er sannkallaður stórleikur í undanúrslitum Mjólkurbikars kvenna þar sem Íslandsmeistarar Breiðabliks fá Val í heimsókn. Í hinum leiknum mætast svo Þróttur Reykjavík og FH.

Dregið var í 16-liða úrslit Mjólkurbikars karla og undanúrslit kvenna í Laugardalnum í dag. Dregið var í báða leikina í undanúrslitum í einu og því var strax ljóst að Breiðablik og Þróttur Reykjavík myndu fá heimaleiki.

Breiðablik dró svo Val upp úr hattinum og ljóst að Íslandsmeistarar síðustu tveggja ára mætast þann 16. júlí á Kópavogsvelli. Sama dag fer leikur Þróttar og FH fram en Hafnfirðingar eru fyrsta liðið úr næstefstu deild sem kemst í undanúrslit frá því Fylkir gerði það árið 2013.

Hér að neðan má sjá dráttinn í heild sinni.

Undanúrslitaleikir Mjólkurbikars kvenna.Vísir/Sigurjón
Íslenski boltinn Fótbolti Mjólkurbikarinn Valur Breiðablik

Mest lesið


Fleiri fréttir

Sjá meira


×

Mest lesið