Brassarnir mörðu Síle og Jesus sá rautt

Einungis eitt mark leit dagsins ljós í leik næturinnar en Lucas Paqueta skoraði það á 46. mínútu.

Það var hiti í mönnum og tveimur mínútum síðar var Englandsmeistaranum Gabriel Jesus hent í sturtu.

Hann fékk að líta beint rautt spjald eftir tæklingu á Eugenio Mena og hann verður þar af leiðandi ekki með í undanúrslitunum.

Síle menn náðu ekki að jafna og Brassarnir eru þar með komnir í undanúrslitin þar sem þeir mæta Perú.

Perú hafði betur gegn Paragvæ eftir vítaspyrnukeppni í gær.