Markalaust var að loknum fyrri hálfleik, en Stefán Teitur kom gestunum í Silkeborg í 1-0 forystu eftir rúmlega klukkutíma leik.
Forystan varð þó ekki langlíf því að Sebastian Gronning Andersen jafnaði metin fyrir Viborg tveimur mínútum síðar og þar við sat.
Silkeborg situr nú í fjórða sæti dönsku deildarinnar með 18 stig eftir 12 leiki, sex stigum meira en Viborg sem situr í níunda sæti.
