Breiðablik mætti Real Madrid í síðasta heimaleik sínum í riðlakeppni Meistaradeildar Evrópu í gær.
Aðstæður voru afar krefjandi en snjó kyngdi niður og ryðja þurfti völlinn fyrir leik og í hálfleik. Spilað var með appelsínugulum bolta svo hann sæist og flestir leikmenn og áhorfendur voru vel dúðaðir.
Þrátt fyrir að spila ekki í svona aðstæðum á hverjum degi vann Real Madrid öruggan 0-3 sigur. Kosovare Asllani skoraði tvö mörk fyrir Madrídinga og Claudia Zornoza eitt.
Vilhelm Gunnarsson, ljósmyndari Vísis, var á Kópavogsvelli í gær og tók meðfylgjandi myndir.
Karítas Tómasdóttir lét snjóinn og kuldann í gær ekki á sig fá og spilaði í stuttermatreyju gegn Real Madrid í síðasta heimaleik Breiðabliks í B-riðli Meistaradeildar Evrópu.
Breiðablik tapaði 0-3 gegn Real Madrid í snjóþungum leik á Kópavogsvelli í Meistaradeild kvenna í kvöld. Ásmundur Arnarsson, þjálfari Breiðabliks, segir úrslitin vera svekkjandi.
