Aron Pálmarsson og félagar í Álaborg fengu Bjerringbro-Silkeborg í heimsókn og úr varð vægast sagt kaflaskiptur leikur.
Álaborg, sem situr í 2.sæti deildarinnar, leiddi með átta mörkum í leikhléi, 21-13. Í síðari hálfleik fór allt í baklás og gestirnir gengu á lagið. Fór að lokum svo að Bjerringbro-Silkeborg vann sex marka sigur, 30-36. Ótrúlegur viðsnúningur.
Aron skoraði eitt mark úr fjórum skotum.
Á sama tíma vann GOG góðan sigur á Kolding, 26-35, í uppgjöri landsliðsmarkvarða Íslands þar sem Viktor Gísli Hallgrímsson (GOG) og Ágúst Elí Björgvinsson (Kolding) stóðu á milli stanganna.
Hafa Viktor Gísli og félagar nú sex stiga forystu á toppi deildarinnar.
