Nóg hefur verið að gera hjá Slökkviliði höfuðborgarsvæðisins síðasta sólarhringinn. Slökkviliðið biður fólk um að fara varlega og passa sig á „covid fjandanum.“
113 sjúkrabílar sinntu útköllum síðasta sólarhringinn og kalla þurfti út fimm slökkvibíla. Þar stóð hæst eldur í bakhúsi á Frakkastíg en þar fór svo sannarlega betur en á horfðist. Engan sakaði en töluverðar skemmdir urðu á húsinu.
Slökkviliðið biður fólk enn fremur að huga að persónulegum sóttvörnum en þetta kemur fram í Facebook-færslu hér að neðan.
Eldur kom upp í bakhúsi á Frakkastíg í miðbæ Reykjavíkur rétt fyrir klukkan níu í morgun. Slökkvilið höfuðborgarsvæðisins var að störfum fram eftir morgni en vel gekk að slökkva eldinn. Enginn var inni í húsinu þegar slökkviliðið kom á vettvang.
Eldur kom upp í viðbyggingu við hús á Frakkastíg 13 í miðbæ Reykjavíkur. Slökkvilið hefur nú lokið störfum og er að fara af vettvangi.
