Brjáluð vegna skíðaferðar Bjarna Benediktssonar Kolbeinn Tumi Daðason skrifar 17. janúar 2022 16:25 Bjarni Benediktsson fjármálaráðherra var fjarri góðu gamni á Alþingi seint í desember eftir að hafa líkt og fleiri þingmenn smitast af Covid-19. Hann er staddur erlendis. Vísir/Vilhelm Stjórnarandstaðan gagnrýndi harðlega fjarveru Bjarna Benediktssonar fjármála- og efnahagsráðherra við upphaf Alþingis í dag. Þing kom saman í dag í fyrsta sinn á árinu og var Bjarni hvergi sjáanlegur. Kröfðust þingmenn svara við því hvort Bjarni væri í fríi. Samkvæmt heimildum fréttastofu er Bjarni fjarverandi vegna skíðaferðar. Fyrsta mál á dagskrá Alþingis er lagafrumvarp fjármála- og efnahagsráðherra til stuðnings fyrirtækja í veitingarekstri vegna áframhaldandi óvissu í atvinnulífi vegna Covid-19 faraldursins. Leggur ráðherra því til heimild til fyrirtækja í veitingarekstri að fresta allt að tveimur greiðslum á afdreginni staðgreiðslu launa og tryggingagjalds sem eru á gjalddaga 1. janúar til og með 1. júní á árinu 2022. Andrés Ingi Jónsson, þingmaður Pírata, kvaddi sér hljóðs í pontu eftir að Birgir Ármannsson, forseti Alþingis og þingmaður Sjálfstæðisflokksins, upplýsti að Bjarni væri staddur erlendis. Þórdís Kolbrún Reykfjörð Gylfadóttir utanríkisráðherra myndi mæla fyrir frumvarpinu í fjarveru Bjarna. Andrés Ingi Jónsson, þingmaður Pírata, segir það vera móðgun sé Bjarni fjarverandi vegna frítöku.Vísir/Vilhelm „Mig langar að rifja upp að fyrir 54 mínútum minnti forseti okkur á að fjarvistarskrár lægju frammi eins og alltaf er gert við upphaf þingfundar. Ég prentaði hana út. Á henni er eitt nafn. Það er ekki nafn Bjarna Benediktssonar hæstvirts fjármálaráðherra,“ sagði Andrés Ingi. Móðgun væri ráðherra í fríi „Hvernig stendur á því, herra forseti, að haldin sé skrá yfir fjarvistir þingmanna sem ekki endurspegla raunveruleikann, sem endurspeglar ekki einu sinni vitneskju hæstvirts forseta sem leggur fjarvistarskrána fram?“ Sagðist Andrés telja í ljósi þess hversu brýn málin væru og í ljósi þess að það hefði legið fyrir frá desemberlokum að Alþingi kæmi saman í dag að þingheimur ætti heimtingu á vita hverra erinda ráðherrann væri að ganga. Væri ráðherrann í fríi þá væri það móðgun. Helga Vala Helgadóttir, þingmaður Samfylkingarinnar, þakkaði forseta þingsins í kaldhæðni fyrir að upplýsa náðarsamlegast þingið um fjarveru Bjarna þegar verið væri að takast á við risastór mál er varði efnahag almennings og fyrirtækja á landinu. Helga Vala Helgadóttir veltir fyrir sér hvort Bjarni sé í fríi.Vísir/Vilhelm „En ég velti fyrir mér hvort hæstvirtur fjármálaráðherra er í embættiserindum erlendis eða hvort hann er í fríi?“ sagði Helga Vala og beindi orðum sínum til Birgis forseta þingsins. „Af því að við eigum, held ég, rétt á að vita hvort hæstvirtur fjármálaráðherra, sem tók mjög takmarkað þátt í umræðu um fjárlög hér fyrir jól og milli jóla og nýárs vegna þess að hann var þá Covid-smitaður, hvort það geti verið að hann telji bara Alþingi Íslendinga vera svo ómerkilegan stað að hann þurfi ekki að mæta hingað til að ræða við þingmenn þjóðarinnar og fulltrúa almennings hér innanhúss.“ Bíti höfuðið af skömminni Jóhann Páll Jóhannsson, samflokksmaður Helgu Völu, vakti athygli á fjarveru fleiri ráðherra. Þegar takmarkanir voru kynntar á föstudag hefðu fjórir ráðherrar verið fjarverandi ríkisstjórnarfund. Jóhann Páll Jóhannsson vektur athygli á því að fleiri ráðherrar hafi verið fjarverandi undanfarið.Vísir/Vilhelm „Það er þriðjungur ríkisstjórnar fjarverandi þegar það er verið að kynna íþyngjandi ráðstafanir vegna heimsfaraldurs. Nú bítur hæstvirtur fjármálaráðherra höfuðið af skömminni með því að vera fjarverandi þegar við ræðum um efnahagsaðgerðir vegna þessara sömu sóttvarna, takmarkana og þróun veirunnar yfirleitt,“ sagði Jóhann Páll. „Mér finnst við eiga heimtingu á því að vita hvort hæstvirtur ráðherra er í einkaerindum, hvort hann sé í fríi að slaka á einhvers staðar í útlöndum meðan þessi bylgja gengur yfir meðan fjöldi rekstraraðila berst í bökkum eða hvort hann er í einhverjum opinberum erindagjörðum á erlendri grundu.“ Þingmenn úr öllum flokkum stjórnarandstöðunnar tóku til máls og lýstu undrun sinni á fjarveru Bjarna á þingfundi í dag og sömuleiðis síðastliðinn föstudag þegar hertar aðgerðir innanlands voru kynntar. Birgir Ármannsson, forseti Alþingis, sagði að honum væri ekki kunnugt um tilefni ferðar hæstvirts fjármálaráðherra. Hersir Aron Ólafsson, aðstoðarmaður Bjarna Benediktssonar, tjáði fréttastofu í morgun að Bjarni gæti ekki gefið kost á viðtali í dag. Hann sagði ráðherra vera í fríi. Lítið hefur heyrst til Bjarna það sem af er ári. Hann var þó til viðtals í Bítinu á Bylgjunni þann 5. janúar og sagðist þá vera við ágæta heilsu eftir að hafa greinst með Covid-19 á milli jóla og nýárs. Uppfært klukkan 16:50 Samkvæmt heimildum fréttastofu hefur Bjarni verið erlendis í skíðaferð undanfarna daga. Von er á honum til landsins um miðja viku. Alþingi Sjálfstæðisflokkurinn Ríkisstjórn Katrínar Jakobsdóttur Mest lesið Sagður hafa tæmt sjóði flokksins og rekur nýja stjórn úr húsnæðinu Innlent Greindi þátt almennings og fjölmiðla í máli „strokufangans“ Innlent Óku á yfir 60 og missa ökuréttindin Innlent Halla forseti blandar sér í götuljósaumræðuna Innlent Vonar að Rauði krossinn endurskoði afstöðu sína Innlent Handtóku ökumann eftir eftirför á Sæbraut Innlent Þúsundir syrgja í Tehran og Trump segir æðstaklerkinn ljúga Erlent Reiða fram rúma milljón fyrir Jakub Innlent Steini frá Straumnesi látinn Innlent Málið týndist í kerfinu og reyndist á endanum fyrnt Innlent Fleiri fréttir „Langflestir Grindvíkingar búa utan Grindavíkurbæjar“ Formaður og gjaldkeri Vorstjörnunnar kærð fyrir efnahagsbrot Mikil reiði á Þingeyri vegna flutnings fóðurstöðvar Arctic Fish Ráðherra vill tryggja betra eftirlit með Sjúkratryggingum Íslands Segir tölurnar sláandi og vill bregðast við „Ég vorkenni því fólki sem lét narra sig í þessa vegferð“ Sósíalistar deila um peninga og metþátttaka í ólöglegri baráttugöngu Kostnaður vegna kynja- og jafnréttismála sextán milljónir Svifvængjaflugslys við Reynisfjall Handtóku ökumann eftir eftirför á Sæbraut Vonar að Rauði krossinn endurskoði afstöðu sína Segir ásakanir kjaftæði og íhugar meiðyrðamál „Þurfum að huga að forvörnum“ Átök í Sósíalistaflokknum, þinglokaviðræður og síðasti dagur Litlu kaffistofunnar Veiðigjöld ekki á dagskrá þingfundar í dag Gripinn við innbrot og bíl ekið inn í búð Greindi þátt almennings og fjölmiðla í máli „strokufangans“ Mikill viðbúnaður vegna eftirfarar á Sæbraut Sagður hafa tæmt sjóði flokksins og rekur nýja stjórn úr húsnæðinu Halla forseti blandar sér í götuljósaumræðuna Reiða fram rúma milljón fyrir Jakub Tilraun langtímakjarasamninga hafi mistekist Málið rannsakað sem tilraun til manndráps Telja Múmínlundinn klárt brot á höfundarétti Glænýr leikskóli í Mosfellsbæ heitir Sumarhús Verðbólguvonbrigði, hraðakstur og kokkur með keppnisskap Málið týndist í kerfinu og reyndist á endanum fyrnt Segulómtækið enn óvirkt og beðið eftir þúsund lítrum af helíni „Allar kannanir eru með einhverja óvissu“ Steini frá Straumnesi látinn Sjá meira
Fyrsta mál á dagskrá Alþingis er lagafrumvarp fjármála- og efnahagsráðherra til stuðnings fyrirtækja í veitingarekstri vegna áframhaldandi óvissu í atvinnulífi vegna Covid-19 faraldursins. Leggur ráðherra því til heimild til fyrirtækja í veitingarekstri að fresta allt að tveimur greiðslum á afdreginni staðgreiðslu launa og tryggingagjalds sem eru á gjalddaga 1. janúar til og með 1. júní á árinu 2022. Andrés Ingi Jónsson, þingmaður Pírata, kvaddi sér hljóðs í pontu eftir að Birgir Ármannsson, forseti Alþingis og þingmaður Sjálfstæðisflokksins, upplýsti að Bjarni væri staddur erlendis. Þórdís Kolbrún Reykfjörð Gylfadóttir utanríkisráðherra myndi mæla fyrir frumvarpinu í fjarveru Bjarna. Andrés Ingi Jónsson, þingmaður Pírata, segir það vera móðgun sé Bjarni fjarverandi vegna frítöku.Vísir/Vilhelm „Mig langar að rifja upp að fyrir 54 mínútum minnti forseti okkur á að fjarvistarskrár lægju frammi eins og alltaf er gert við upphaf þingfundar. Ég prentaði hana út. Á henni er eitt nafn. Það er ekki nafn Bjarna Benediktssonar hæstvirts fjármálaráðherra,“ sagði Andrés Ingi. Móðgun væri ráðherra í fríi „Hvernig stendur á því, herra forseti, að haldin sé skrá yfir fjarvistir þingmanna sem ekki endurspegla raunveruleikann, sem endurspeglar ekki einu sinni vitneskju hæstvirts forseta sem leggur fjarvistarskrána fram?“ Sagðist Andrés telja í ljósi þess hversu brýn málin væru og í ljósi þess að það hefði legið fyrir frá desemberlokum að Alþingi kæmi saman í dag að þingheimur ætti heimtingu á vita hverra erinda ráðherrann væri að ganga. Væri ráðherrann í fríi þá væri það móðgun. Helga Vala Helgadóttir, þingmaður Samfylkingarinnar, þakkaði forseta þingsins í kaldhæðni fyrir að upplýsa náðarsamlegast þingið um fjarveru Bjarna þegar verið væri að takast á við risastór mál er varði efnahag almennings og fyrirtækja á landinu. Helga Vala Helgadóttir veltir fyrir sér hvort Bjarni sé í fríi.Vísir/Vilhelm „En ég velti fyrir mér hvort hæstvirtur fjármálaráðherra er í embættiserindum erlendis eða hvort hann er í fríi?“ sagði Helga Vala og beindi orðum sínum til Birgis forseta þingsins. „Af því að við eigum, held ég, rétt á að vita hvort hæstvirtur fjármálaráðherra, sem tók mjög takmarkað þátt í umræðu um fjárlög hér fyrir jól og milli jóla og nýárs vegna þess að hann var þá Covid-smitaður, hvort það geti verið að hann telji bara Alþingi Íslendinga vera svo ómerkilegan stað að hann þurfi ekki að mæta hingað til að ræða við þingmenn þjóðarinnar og fulltrúa almennings hér innanhúss.“ Bíti höfuðið af skömminni Jóhann Páll Jóhannsson, samflokksmaður Helgu Völu, vakti athygli á fjarveru fleiri ráðherra. Þegar takmarkanir voru kynntar á föstudag hefðu fjórir ráðherrar verið fjarverandi ríkisstjórnarfund. Jóhann Páll Jóhannsson vektur athygli á því að fleiri ráðherrar hafi verið fjarverandi undanfarið.Vísir/Vilhelm „Það er þriðjungur ríkisstjórnar fjarverandi þegar það er verið að kynna íþyngjandi ráðstafanir vegna heimsfaraldurs. Nú bítur hæstvirtur fjármálaráðherra höfuðið af skömminni með því að vera fjarverandi þegar við ræðum um efnahagsaðgerðir vegna þessara sömu sóttvarna, takmarkana og þróun veirunnar yfirleitt,“ sagði Jóhann Páll. „Mér finnst við eiga heimtingu á því að vita hvort hæstvirtur ráðherra er í einkaerindum, hvort hann sé í fríi að slaka á einhvers staðar í útlöndum meðan þessi bylgja gengur yfir meðan fjöldi rekstraraðila berst í bökkum eða hvort hann er í einhverjum opinberum erindagjörðum á erlendri grundu.“ Þingmenn úr öllum flokkum stjórnarandstöðunnar tóku til máls og lýstu undrun sinni á fjarveru Bjarna á þingfundi í dag og sömuleiðis síðastliðinn föstudag þegar hertar aðgerðir innanlands voru kynntar. Birgir Ármannsson, forseti Alþingis, sagði að honum væri ekki kunnugt um tilefni ferðar hæstvirts fjármálaráðherra. Hersir Aron Ólafsson, aðstoðarmaður Bjarna Benediktssonar, tjáði fréttastofu í morgun að Bjarni gæti ekki gefið kost á viðtali í dag. Hann sagði ráðherra vera í fríi. Lítið hefur heyrst til Bjarna það sem af er ári. Hann var þó til viðtals í Bítinu á Bylgjunni þann 5. janúar og sagðist þá vera við ágæta heilsu eftir að hafa greinst með Covid-19 á milli jóla og nýárs. Uppfært klukkan 16:50 Samkvæmt heimildum fréttastofu hefur Bjarni verið erlendis í skíðaferð undanfarna daga. Von er á honum til landsins um miðja viku.
Alþingi Sjálfstæðisflokkurinn Ríkisstjórn Katrínar Jakobsdóttur Mest lesið Sagður hafa tæmt sjóði flokksins og rekur nýja stjórn úr húsnæðinu Innlent Greindi þátt almennings og fjölmiðla í máli „strokufangans“ Innlent Óku á yfir 60 og missa ökuréttindin Innlent Halla forseti blandar sér í götuljósaumræðuna Innlent Vonar að Rauði krossinn endurskoði afstöðu sína Innlent Handtóku ökumann eftir eftirför á Sæbraut Innlent Þúsundir syrgja í Tehran og Trump segir æðstaklerkinn ljúga Erlent Reiða fram rúma milljón fyrir Jakub Innlent Steini frá Straumnesi látinn Innlent Málið týndist í kerfinu og reyndist á endanum fyrnt Innlent Fleiri fréttir „Langflestir Grindvíkingar búa utan Grindavíkurbæjar“ Formaður og gjaldkeri Vorstjörnunnar kærð fyrir efnahagsbrot Mikil reiði á Þingeyri vegna flutnings fóðurstöðvar Arctic Fish Ráðherra vill tryggja betra eftirlit með Sjúkratryggingum Íslands Segir tölurnar sláandi og vill bregðast við „Ég vorkenni því fólki sem lét narra sig í þessa vegferð“ Sósíalistar deila um peninga og metþátttaka í ólöglegri baráttugöngu Kostnaður vegna kynja- og jafnréttismála sextán milljónir Svifvængjaflugslys við Reynisfjall Handtóku ökumann eftir eftirför á Sæbraut Vonar að Rauði krossinn endurskoði afstöðu sína Segir ásakanir kjaftæði og íhugar meiðyrðamál „Þurfum að huga að forvörnum“ Átök í Sósíalistaflokknum, þinglokaviðræður og síðasti dagur Litlu kaffistofunnar Veiðigjöld ekki á dagskrá þingfundar í dag Gripinn við innbrot og bíl ekið inn í búð Greindi þátt almennings og fjölmiðla í máli „strokufangans“ Mikill viðbúnaður vegna eftirfarar á Sæbraut Sagður hafa tæmt sjóði flokksins og rekur nýja stjórn úr húsnæðinu Halla forseti blandar sér í götuljósaumræðuna Reiða fram rúma milljón fyrir Jakub Tilraun langtímakjarasamninga hafi mistekist Málið rannsakað sem tilraun til manndráps Telja Múmínlundinn klárt brot á höfundarétti Glænýr leikskóli í Mosfellsbæ heitir Sumarhús Verðbólguvonbrigði, hraðakstur og kokkur með keppnisskap Málið týndist í kerfinu og reyndist á endanum fyrnt Segulómtækið enn óvirkt og beðið eftir þúsund lítrum af helíni „Allar kannanir eru með einhverja óvissu“ Steini frá Straumnesi látinn Sjá meira