Íslandsmeistararnir voru lengi í gang og sterk vörn Aftureldingar hélt út allan fyrri hálfleikinn og töluvert inn í síðari hálfleikinn. Fyrsta mark leiksins skoraði Ásdís Karen Halldórsdóttir á 61. mínútu og Valur komið með 1-0 forystu.
Það var svo ekki fyrr en í uppbótartíma sem hin unga Eva Stefánsdóttir bætti við öðru markinu og gulltryggði 2-0 sigur Vals.
Valur hefur þar með unnið alla þrjá leiki sína í riðli 2 í A-deild Lengjubikarsins. Markatala liðsins er 14-0. Var þetta fyrsta tap Aftureldingar í þremur leikjum en liðið hafði áður unnið Þór/KA og gert jafntefli við Keflavík.
