Rottweilerhundar, Stuðmenn og Ragga Gísla á Kótelettunni í ár

„Nú hefur dagkrá hátíðarinnar verið opinberuð en það verða hvorki meira né minna en 30 listamenn á tveimur sviðum,“ segir Einar Björnsson framkvæmdastjóri hátíðarinnar og segir að á hátíðinni megi finna eitthvað fyrir alla.

„XXX Rottweilerhundar hafa boðað endurkomu sína en þeir fagna 20 ára afmæli um þessari mundir. Stuðmenn stíga einnig á stokk ásamt Röggu Gísla og þá er mikil spenna svo fyrir Aldamótatónleikunum þar sem m.a. Birgitta Haukdal, Magni, Hreimur og fleiri kalla fram nostalgíu síðustu aldamóta.”

Miðasala er hafin á kotelettan.is en sérstakri forsölu á helgarpassa lýkur 1.apríl en eftir það, þann 2. apríl hækkar verðið úr 11.900 kr. í 13.900 kr. en viðtökur hafa verið afar góðar. Frekari upplýsingar um hátíðina má finna á sömu vefsíðu.