Dag­skráin í dag: Undan­úr­slit í Olís deild kvenna, úr­slit í Subway deild karla, Besta deildin, Albert Guð­munds gegn Juventus og golf

Stöð 2 Sport

Klukkan 17.40 hefst útsending frá stórleik Vals og KA/Þórs í undanúrslitum Olís deildar kvenna í handbolta. Um er að ræða fyrsta leik liðanna í undanúrslitarimmunni.

Klukkan 20.00 hefst upphitun Körfuboltakvölds fyrir fyrsta leik úrslitaeinvígis Subway-deildar karla í körfubolta. Klukkan 20.25 hefst svo útsending frá leik Vals og Tindastóls.

Klukkan 22.10 er svo Körfuboltakvöld á dagskrá þar sem farið verður yfir leik kvöldsins.

Stöð 2 Sport 2

Við höldum áfram að sýna leiki úr sænsku úrvalsdeildinni í fótbolta. Klukkan 16.55 hefst útsending frá leik Häcken og Linköping. Diljá Ýr Zomers og Agla María Albertsdóttir leika með Häcken.

Klukkan 19.30 er komið að leik Fram og ÍBV í hinni undanúrslitaviðureign Olís deildar kvenna. Eftir leik, klukkan 21.10 er Seinni bylgjan á dagskrá en þar verða báðir leikir kvöldsins gerðir upp.

Klukkan 01.30 er stórleikur Dallas Mavericks og Phoenix Suns í undanúrslitum Vesturdeildar NBA-deildarinnar á dagskrá. Suns leiða einvígið 2-0 og verður Dallas því að næla í sigur í kvöld ef ekki á illa að fara.

Stöð 2 Sport 3

Ítalíumeistarar Inter taka á móti Empoli klukkan 16.35. Meistararnir mega ekki misstíga sig en þeir eru í harðri baráttu við nágranna sína í AC Milan.

Klukkan 18.50 taka Albert Guðmundsson og félagar í Genoa á móti stórliði Juventus.

Stöð 2 Sport 4

Klukkan 17.45 hefst útsending frá stórleik dagsins í Bestu deild karla í fótbolta þar sem FH tekur á móti Val. Eftir leik eða klukkan 20.00 verður farið yfir leiki kvöldsins í Stúkunni. Á rás Bestu deildarinnar á Stöð2.is má sjá leik Stjörnunnar og Fram sem hefst klukkan 19.15.

Stöð 2 Golf

Klukkan 12.30 hefst útsending frá breska Meistaramótinu, það er hluti af DP heimsmótaröðinni. Klukkan 18.00 er Wells Fargo-meistaramótið á dagskrá, það er hluti af PGA-mótaröðinni.