Dagskráin í dag: Valsmenn geta orðið Íslandsmeistarar

Við hefjum þó leik á golfvellinum, en klukkan 11:30 hefst bein útsending frá Dutch Open á DP World Tour á Stöð 2 Golf.

Golfið heldur svo áfram klukkan 18:00 þegar Charles Schwab Challenge á PGA-mótaröðinni heldur áfram á Stöð 2 Golf. Klukkan 21:30 verður svo hægt að fylgjast með beinni útsendingu frá Bank of Hope Match Play á LPGA-mótaröðinni á Stöð 2 Sport 4.

Þá eru einnig tveir leikir á dagskrá í átta liða úrslitum spænsku ACB-deildarinnar í körfubolta. Klukkan 14:20 tekur BAXI Manresa á móti Real Madrid á Stöð 2 Sport 3 áður en Martin Hermannsson og félagar í Valencia heimsækja Baskonia klukkan 16:20 á sömu rás.

Seinni bylgjan verður svo í beinni útsendingu frá Vestmannaeyjum á Stöð 2 Sport frá klukkan 15:20 þar sem strákarnir hita upp fyrir leik ÍBV og Vals í úrslitaeinvígi Olís-deildar karla. Valsmenn leiða einvígið 2-1 og geta því tryggt sér Íslandsmeistaratitilinn með sigri í dag. Flatuað verður til leiks klukkan 16:00, en Seinni bylgjan verður svo aftur á sínum stað í leikslok og gerir leikinn upp, mögulega með nýkrýndum Íslandsmeisturum.

Að lokum eru Meistaradeildarmörkin á dagskrá klukkan 22:00 á Stöð 2 Sport 2 þar sem verður farið yfir allt það helsta úr úrslitaleik Meistaradeildarinnar þar sem Liverpool og Real Madrid eigast við.