Flugvélin var í eigu úkraínska flugfélagsins Meridian en starfsmaður þess staðfestir í símatli við Reuters að allir um borð hafi látist. „Auðvitað lifðu þau þetta ekki af,“ segir hann.
Flugvélin var á leið frá Serbíu til Bangladess með tæplega tólf tonn af skotfærum framleiddum í Serbíu innanborðs. Varnarmálaráðherra Serbíu staðfestir einnig að áhöfnin hafi látið lífið.
Íbúar í nágrenni grísku borgarinnar Kavala náðu myndskeiði af hrapi flugvélarinnar og gríðarlegrar sprengingar sem fylgdi:
