Tíu látin eftir að moska var sprengd í loft upp í Kabúl

Minnst 27 voru fluttir særðir á spítala í Kabúl, þar af fimm börn. Í frétt AP segir að tíu hafi látist en óttast er að fleiri hafi fallið í sprengingunni. 

Sprengingin varð er fjöldi hafði komið saman í moskunni til að biðja kvöldbæna að múslimskum sið.

AP greinir einnig frá því að vitni hafi greint frá því að um sjálfsmorðsprengjuárás hafi verið að ræða. Óvíst hver hafi staðið að baki árásinni. Tæp vika er frá því að afganski sjeikinn Rahimullah Haqqani myrtur í sjálfsvígssprengjuárás í Kabúl.

Talið er að morðinginn hafi falið sprengjuna í gervifæti sínum og sprengt sig er hann var við hlið Haqqani. Íslamska ríkið lýsti yfir ábyrgð á þeirri árás.