Sigurjón Kjartansson og Halldóra Guðbjörg Jónsdóttir giftu sig á heimili sínu á Selfossi. Parið byrjaði saman snemma á síðasta ári. Sigurjón hefur slegið eftirminnilega í gegn í Fóstbræðrum, Tvíhöfða og hljómsveitinni HAM og Halldóra er nuddari og snyrtifræðingur.
„Samkvæmt Þjóðskrá er þessi dásamlega kona nú formlega orðin eiginkona mín, en við létum pússa okkur saman fyrir um hálfum mánuði síðan með oggulítilli athöfn á heimili okkar.
Ég er hamingjusamur maður og gríðarlega þakklátur fyrir að hafa fundið þessa einstöku konu sem lífsförunaut! Ég elska þig blúndan mín fagra,“ segir hann í Facebook fæslu sinni þar sem hann tilkynnti um hjónabandið.
Dóra Jóhannsdóttir mun leikstýra Áramótaskaupinu í ár og Saga Garðarsdóttir verður yfirhöfundur þess.
Það verða engir Tvíhöfða-þættir í haust en þættirnir hafa verið á dagskrá á Rás 2 síðan árið 2017. Þættirnir hófu göngu sína árið 1994 en ekki er útilokað að Tvíhöfði snúi aftur seinna.
Trölladans er frumsaminn rokksöngleikur, um Jonna sem lendir í tröllabyggð, eftir Guðmund Ólafsson en meðhöfundur og höfundur tónlistar er Friðrik Sturluson. Með aðalhlutverk fara Mikael Emil Kaaber, Birna Pétursdóttir, og Eyþór Ingi Gunnlaugsson.
