Napoli jók for­ystuna á toppnum

Napoli hefur verið uppáhaldslið hlutlausra á Ítalíu til þessa á leiktíðinni en liðið hefur spilað frábæran fótbolta, bæði heima fyrir sem og í Meistaradeild Evrópu. Hinn eftirsótti Victo Osimhen kom toppliðinu yfir þegar stundarfjórðungur var liðinn af leik dagsins.

Piotr Zieliński tvöfaldaði svo forystuna þegar rúmur hálftími var liðinn og Napoli virtist svo gott sem vera búið að vinna leikinn er liðin gengu til búningsherbergja í hálfleik. Eljif Elmas bætti við þriðja markinu á 58. mínútu og virtist aðeins spurning hversu stór sigurinn yrði.

Eitthvað hafa heimamenn slakað á því Ilija Nestorovski minnkaði muninn rúmar tíu mínútur voru eftir af venjulegum leiktíma. Örskömmu síðar skoraði Lazar Samardžić og staðan allt í einu orðin 3-2. Gestunum tókst þó ekki að fullkomna ótrúlega endurkomu sína og topplið Napoli vann 3-2 sigur.

Napoli er með 41 stig á toppi Serie A að loknum 15 leikjum á meðan Udinese er í 8. sæti með 24 stig.