FIFA bannar Zelensky að senda ákall um frið fyrir úrslitaleikinn

Það er CNN sem greinir frá þessu þar segir að Zelensky hafi óskað eftir því að fá að birta myndskeið af ávarpi sínu á leikvangnum í Doha. Ekki liggur fyrir hvort taka átti upp myndskeiðið fyrir fram eða Zelensky hafi haft hug á því að vera í beinni útsendingu. 

„Við töldum að FIFA myndi hafa áhuga á því að nýta þennan vettvang til þess að stuðla að friði," sagði heimildarmaður CNN. Enn fremur kemur fram í frétt CNN að viðræður standi enn yfir milli úkraínskra stjórnvalda og FIFA um málið. 

Úkraínsk stjórnvöld hafa komið skilaboðum sínum um friðarumleitanri á framfæri á stórum viðburðum undanfarin en þannnig hefur Zelensky birt skilaboð sín í gegnum myndsímtöl á G20 ráðstefnunni fyrr á þessu ári, Grammys og Cannes kvikmyndahátíðinni.  

Þá hefur hann átt samtöl við fræga einstaklinga á borð við Sean Penn og David Letterman til þess að koma skilaboðum sínum á framfæri. 

FIFA hefur í gegnum tíðina haft þá stefnu að halda pólítík utan viðburða á vegum sambandsins. Gianni Infantino, forseti FIFA, hefur fengið mikla gagnrýni fyrir meðhöndlun á málefnum hinsegin fólks og viðbragðsleysi við afar slæmum aðbúnaði verkafólks sem sá um að byggja leikvanga og innviði í Doha fyrir mótið, mannréttindarbrotum í garð verkafólksins og andlátum sem rekja má til skorts á öryggisbúnaði og of mikils álags í starfi.

Infantino fékk árið 2019 medalíu til merkis um vináttu hans við Vladimir Putin og rússnesk stjórnvöld í Kreml árið 2019 en heiðursnafnbótin var fyrir störf hans í undirbúningi fyrir heimsmeistaramótið sem haldið var á rússneskri grundu árið 2018.