Öllum leikjum kvöldsins í 8-liða úrslitum Evrópudeildarinnar er nú lokið. Juventus vann 1-0 sigur á Sporting frá Portúgal á meðan Bayer Leverkusen og Royale Union SG gerðu 1-1 jafntefli í Þýskalandi.
Federico Gatti skoraði sigurmark Juventus á 73. mínútu í leik þar sem gestirnir voru í raun betri aðilinn. Vörn heimamanna hélt vel þrátt fyrir að Wojciech Szczęsny, markvörður liðsins, hafi þurft að fara af velli í fyrri hálfleik eftir að hafa fundið fyrir óreglulegum hjartslætti.
Það erþó í lagi með markvörðinn. Hjartað var skoðað eftir að hann kom af velli og sagði Szczęsny sjálfur í viðtali eftir leik að allt væri í lagi.
Szcz sny had heart palpitations during the match but Juventus confirm after a first check, 'everything is okay' pic.twitter.com/gMktAecTWg
— B/R Football (@brfootball) April 13, 2023
Í Þýskalandi gerðu Victor Boniface gestunum yfir en Florian Wirtz jafnaði metin, lokatölur 1-1.
Önnur úrslit voru þau að Feyenoord vann 1-0 sigur á Roma og Manchester United henti frá sér unnum leik gegn Sevilla, lokatölur á Old Trafford 2-2.
Úrslitin í 8-liða úrslitum Sambandsdeildar Evrópu voru eftirfarandi:
- Gent 1-1 West Ham United
- Anderlecht 2-0 AZ Alkmaar
- Basel 2-2 Nice
- Lech Poznan 1-4 Fiorentina
Síðari leikirnir í 8-liða úrslitum bæði Evrópu- og Sambandsdeildarinnar fara fram eftir slétta viku.
