Prinsinn tók við pöntun frá steinhissa viðskiptavini

Myndband af samskiptunum má horfa á neðst í fréttinni. Vilhjálmur var staddur ásamt eiginkonu sinni hertogaynjunni Katrín Middleton á veitingastaðnum Indian Streatery í miðborg Birmingham. 

Þangað voru hjónin mætt til þess að gæða sér á ljúffengum indverskum réttum. Vel fór á með hjónunum og starfsfólki staðarins.

Viðskiptavinurinn sem ræddi við Vilhjálm símleiðis, maður að nafni Vinay Aggarwal, segir í samtali við BBC að hann hafi verið í sjokki að hafa komist svo að því að það hefði verið sjálfur prinsinn sem hefði tekið á móti pöntun hans.

„Ég þekkti röddina hans alls ekki, þetta er í fyrsta skiptið sem ég heyri hann tala í síma, svo ég hélt í raun að þetta væri bara einhver sem væri að taka við pöntuninni minni,“ segir Vinay en hann mætti á veitingastaðinn ásamt eiginkonu sinni Ankita Gulati síðdegis í gær.