Reyndi ítrekað að flýja land: „I think I killed her“ Ólafur Björn Sverrisson skrifar 9. júní 2023 14:48 Dómurinn var kveðinn upp í Héraðsdómi Reykjavíkur. Vísir/Vilhelm Demetrius Allen, bandarískur karlmaður sem spilað hefur amerískan fótbolta hér á landi, hefur verið dæmdur í þriggja ára fangelsi fyrir nauðgun. Allen kynntist brotaþola, íslenskri konu, á Tinder tíu dögum fyrir brotið og reyndi ítrekað að flýja land í kjölfarið. Í ársbyrjun var maðurinn úrskurðaður í gæsluvarðhald til 25. maí. Talið var nauðsynlegt að halda honum innan veggja fangelsis þar sem hann hefur endurtekið reynt að komast úr landi þrátt fyrir farbann. Einu tengsl mannsins við Ísland var sex vikna dvöl hans hér á landi haustið 2022, þegar hann spilaði amerískan fótbolta fyrir liðið Einherja. Í dómi Héraðsdóms Reykjavíkur kemur fram að Allen hafi aftur komið til landsins á gamlársdag, konan sótt hann á flugvöllinn og hann dvalið hjá henni, eftir að þau horfðu á flugelda með börnum hennar. Höfðu þau samfarir um nóttina sem þeim bar saman um að hafi verið með samþykki beggja. Að kvöldi nýársdags urðu þau sér út um kannabisefni og fóru út úr íbúð hennar til að reykja það á nærliggjandi bensínstöð. Fram kemur að konan hafi fundið fljótt fyrir miklum áhrifum en hún hefði aldrei reykt kannabiss fyrr. Vert er að vara við lýsingu á brotum mannsins hér að neðan „I think I killed her“ Þau greindi á um hvað hefði gerst í bifreiðinni. Konan lýsti því að hún hefði misst meðvitund en rankað við sér annað slagið við aðfarir mannsins. Hann hafi neytt hana til munnmaka en hún ekki getað spornað við verknaðinum vegna kannabisáhrifa. Hún hafi ítrekað beðið hann um að hætta en hann ekki virt það. Þá hafi hann neytt hana til samfara um leggöng meðan höfuð hennar hefði verið út um dyrnar og hún hefði kastað upp meðan á því stóð. Við rannsókn á bifreiðinni fannst æla milli sætanna og í dyrafalsi. Við komu lögreglumanna til brotaþola var æla í peysu hennar að auki. Þá greindist THC í blóði hennar. Í framburði konunnar kemur fram að hún hafi beðið manninn að fara með sig heim en hann hefði hins vegar öskrað á hana að hann hefði ekki gert neitt. Hún hefði svo heyrt hann hringja í vin sinn og biðja hann að sækja sig. Hún hefði heyrt hann segja í símann „I think I killed her“ eða „Ég held að ég hafi drepið hana.“ Bókaði flug morguninn eftir Loks hafi hún keyrt heim og séð að sonur hennar hafi hringt í hana klukkan 00:43. Þegar heim var komið hafi hún séð að maðurinn hafi verið þar en ferðatöskur hans hefðu verið horfnar og hann búinn að blokka hana á samfélagsmiðlum. Fram kemur að konan hafi ákveðið að hringja í lögreglu eftir hvatningu frá syni hennar, sem kom að henni stjarfri uppi í rúmi sínu. Ekki tókst að hafa hendur í hári Allens um nóttina. Morguninn eftir bókaði Allen flug frá landinu samdægurs og hringdi í vinkonu sína sem sótti hann og ætlaði að skutla á flugvöllinn. Hann gaf sig fram við lögreglu, sem hafði þá lýst eftir honum, á leiðinni á flugvöllinn. Hann gat ekki gefið skýringar á því hvers vegna hann hugðist fara í skyndi af landi brott, á sama tíma og hann átti miða til Póllands 9. janúar. Eftir að hafa verið úrskurðaður í farbann reyndi Allen þann 3. mars að yfirgefa landið. Hafði hann þá pantað sér flug til Flórída og framvísaði neyðarvegabréfi í landamæraeftirliti á Keflavíkurflugvelli. Hann var vistaður í biðklefa á vellinum grunaður um brot á farbanni og gat eingöngu framvísað flugmiða til Bandaríkjanna en ekki til baka. Hegðunin benti til að eitthvað alvarlegt hafi átt sér stað Allen neitaði sök, sagði kynmökin hafa verið með samþykki hennar og raunar að hennar frumkvæði. Sagði hann konuna hafa sagt að hún elskaði hann og vildi ekki að hann færi af landi brott þar sem hann væri sá eini. Hann hefði þá orðið fráhverfur henni og ekki viljað að hún snerti sig. Hún hefði klikkast og orðið eins og andsetin. Í niðurstöðukafla dómsins kemur fram að framburður konunnar hafi verið stöðugur um alla atburði sem hún man frá þessu kvöldi. Hélt Allen því fram að framburður hennar væri í ósamræmi við framburð vitna en því var hafnað. Í dómnum segir að hegðun hans eftir brotið hafi einnig sterklega bent til þess að eitthvað alvarlegt hafi komið upp og hann hafi verið að flýja. Þá voru skýringar hans í þá veru að brotaþoli hafi komist í mikið uppnám við það að hann ætlaði að fara frá henni taldar fráleitar í ljósi þess sem á eftir kom. Var því talið sannað gegn neitun Allen að hann hefði haft samræði við konuna án hennar samþykki og notfært sér að hún hafi verið illa áttuð og ekki getað spornað við verknaðinum. Var hann því sakfelldur og dæmdur í þriggja ára fangelsi. Auk þess var honum gert að greiða konunni miskabætur að fjárhæð tveggja milljóna króna. Dómsmál Lögreglumál Kynferðisofbeldi Mest lesið Tollar á vörur frá Íslandi verða 15 prósent samkvæmt forsetatilskipun Erlent Sakar sveitastjórann um atvinnuróg og „kæfandi klámhögg“ Innlent Óheppilegt ef fölsk mynd varpar sök á saklausan mann Innlent „Eins og að vera úti á rúmsjó“ í Eyjum annað kvöld Veður Skiptar skoðanir um umfang og kostnað vegna listaverks Ólafs í Eyjum Innlent Hlutum kastað til í verslun og könnu í bílrúðu Innlent Níu ára og með sitt eigið „Fannars bakarí“ í Njarðvík Innlent „Komið nóg af áföllum“ Innlent Hvatti ríki til að stuðla að stjórnarskiptum í Rússlandi Erlent Á bát í Kyrrahafi þegar skjálftaflóðbylgjur skullu á Innlent Fleiri fréttir Áhrifin af stöðvunarkröfunni óveruleg Mengun gæti borist á Snæfellsnes og Vestfirði Hlutum kastað til í verslun og könnu í bílrúðu Óheppilegt ef fölsk mynd varpar sök á saklausan mann Skiptar skoðanir um umfang og kostnað vegna listaverks Ólafs í Eyjum Sakar sveitastjórann um atvinnuróg og „kæfandi klámhögg“ „Komið nóg af áföllum“ Níu ára og með sitt eigið „Fannars bakarí“ í Njarðvík „Þetta er hættuleg helgi“ Eldri borgarar sem verði fyrir ofbeldi ættingja geti hvergi leitað Aldraðir beittir ofbeldi af ættingjum og gervigreindarmistök lögreglu Ferðaþjónustuþorpið Vík: „Við erum ein á báti“ Tjaldsvæði á Norðurlandi óðum að fyllast Framkvæmdir við Hvammsvirkjun stöðvaðar Borgin hafnar yfirlýsingum KSÍ Fólk varist dúfur í Vestmannaeyjum Ógnaði vegfarendum með stórum hníf Ferðamaður lést við Breiðamerkursand „Í Evrópumálum tel ég að þetta sé ekki rétti tíminn að fara í þá vegferð“ Falið ofbeldi gegn eldri borgurum: „Þetta er barnið mitt, ég ól það upp, gerði ég mistök?“ Ísbjarnareftirlit á Vestfjörðum Íslenskum nemendum fækkar en erlendum fjölgar Lögregla biðst afsökunar vegna myndarinnar Þyrlan kölluð út vegna bráðra veikinda á Breiðamerkursandi Ofbeldi gegn eldri borgurum oft hulið Aukið viðbragð í öllum deildum lögreglu Lögregla dreifði gjörbreyttri mynd af díselþjófum Sendinefnd ESB tjáir sig ekki um tollana Líkir aðferðum forstjóra Landsvirkjunnar við heimilisofbeldi Breiðan „tjakkast upp“ og varað við framhlaupi við hraunjaðrana Sjá meira
Í ársbyrjun var maðurinn úrskurðaður í gæsluvarðhald til 25. maí. Talið var nauðsynlegt að halda honum innan veggja fangelsis þar sem hann hefur endurtekið reynt að komast úr landi þrátt fyrir farbann. Einu tengsl mannsins við Ísland var sex vikna dvöl hans hér á landi haustið 2022, þegar hann spilaði amerískan fótbolta fyrir liðið Einherja. Í dómi Héraðsdóms Reykjavíkur kemur fram að Allen hafi aftur komið til landsins á gamlársdag, konan sótt hann á flugvöllinn og hann dvalið hjá henni, eftir að þau horfðu á flugelda með börnum hennar. Höfðu þau samfarir um nóttina sem þeim bar saman um að hafi verið með samþykki beggja. Að kvöldi nýársdags urðu þau sér út um kannabisefni og fóru út úr íbúð hennar til að reykja það á nærliggjandi bensínstöð. Fram kemur að konan hafi fundið fljótt fyrir miklum áhrifum en hún hefði aldrei reykt kannabiss fyrr. Vert er að vara við lýsingu á brotum mannsins hér að neðan „I think I killed her“ Þau greindi á um hvað hefði gerst í bifreiðinni. Konan lýsti því að hún hefði misst meðvitund en rankað við sér annað slagið við aðfarir mannsins. Hann hafi neytt hana til munnmaka en hún ekki getað spornað við verknaðinum vegna kannabisáhrifa. Hún hafi ítrekað beðið hann um að hætta en hann ekki virt það. Þá hafi hann neytt hana til samfara um leggöng meðan höfuð hennar hefði verið út um dyrnar og hún hefði kastað upp meðan á því stóð. Við rannsókn á bifreiðinni fannst æla milli sætanna og í dyrafalsi. Við komu lögreglumanna til brotaþola var æla í peysu hennar að auki. Þá greindist THC í blóði hennar. Í framburði konunnar kemur fram að hún hafi beðið manninn að fara með sig heim en hann hefði hins vegar öskrað á hana að hann hefði ekki gert neitt. Hún hefði svo heyrt hann hringja í vin sinn og biðja hann að sækja sig. Hún hefði heyrt hann segja í símann „I think I killed her“ eða „Ég held að ég hafi drepið hana.“ Bókaði flug morguninn eftir Loks hafi hún keyrt heim og séð að sonur hennar hafi hringt í hana klukkan 00:43. Þegar heim var komið hafi hún séð að maðurinn hafi verið þar en ferðatöskur hans hefðu verið horfnar og hann búinn að blokka hana á samfélagsmiðlum. Fram kemur að konan hafi ákveðið að hringja í lögreglu eftir hvatningu frá syni hennar, sem kom að henni stjarfri uppi í rúmi sínu. Ekki tókst að hafa hendur í hári Allens um nóttina. Morguninn eftir bókaði Allen flug frá landinu samdægurs og hringdi í vinkonu sína sem sótti hann og ætlaði að skutla á flugvöllinn. Hann gaf sig fram við lögreglu, sem hafði þá lýst eftir honum, á leiðinni á flugvöllinn. Hann gat ekki gefið skýringar á því hvers vegna hann hugðist fara í skyndi af landi brott, á sama tíma og hann átti miða til Póllands 9. janúar. Eftir að hafa verið úrskurðaður í farbann reyndi Allen þann 3. mars að yfirgefa landið. Hafði hann þá pantað sér flug til Flórída og framvísaði neyðarvegabréfi í landamæraeftirliti á Keflavíkurflugvelli. Hann var vistaður í biðklefa á vellinum grunaður um brot á farbanni og gat eingöngu framvísað flugmiða til Bandaríkjanna en ekki til baka. Hegðunin benti til að eitthvað alvarlegt hafi átt sér stað Allen neitaði sök, sagði kynmökin hafa verið með samþykki hennar og raunar að hennar frumkvæði. Sagði hann konuna hafa sagt að hún elskaði hann og vildi ekki að hann færi af landi brott þar sem hann væri sá eini. Hann hefði þá orðið fráhverfur henni og ekki viljað að hún snerti sig. Hún hefði klikkast og orðið eins og andsetin. Í niðurstöðukafla dómsins kemur fram að framburður konunnar hafi verið stöðugur um alla atburði sem hún man frá þessu kvöldi. Hélt Allen því fram að framburður hennar væri í ósamræmi við framburð vitna en því var hafnað. Í dómnum segir að hegðun hans eftir brotið hafi einnig sterklega bent til þess að eitthvað alvarlegt hafi komið upp og hann hafi verið að flýja. Þá voru skýringar hans í þá veru að brotaþoli hafi komist í mikið uppnám við það að hann ætlaði að fara frá henni taldar fráleitar í ljósi þess sem á eftir kom. Var því talið sannað gegn neitun Allen að hann hefði haft samræði við konuna án hennar samþykki og notfært sér að hún hafi verið illa áttuð og ekki getað spornað við verknaðinum. Var hann því sakfelldur og dæmdur í þriggja ára fangelsi. Auk þess var honum gert að greiða konunni miskabætur að fjárhæð tveggja milljóna króna.
Dómsmál Lögreglumál Kynferðisofbeldi Mest lesið Tollar á vörur frá Íslandi verða 15 prósent samkvæmt forsetatilskipun Erlent Sakar sveitastjórann um atvinnuróg og „kæfandi klámhögg“ Innlent Óheppilegt ef fölsk mynd varpar sök á saklausan mann Innlent „Eins og að vera úti á rúmsjó“ í Eyjum annað kvöld Veður Skiptar skoðanir um umfang og kostnað vegna listaverks Ólafs í Eyjum Innlent Hlutum kastað til í verslun og könnu í bílrúðu Innlent Níu ára og með sitt eigið „Fannars bakarí“ í Njarðvík Innlent „Komið nóg af áföllum“ Innlent Hvatti ríki til að stuðla að stjórnarskiptum í Rússlandi Erlent Á bát í Kyrrahafi þegar skjálftaflóðbylgjur skullu á Innlent Fleiri fréttir Áhrifin af stöðvunarkröfunni óveruleg Mengun gæti borist á Snæfellsnes og Vestfirði Hlutum kastað til í verslun og könnu í bílrúðu Óheppilegt ef fölsk mynd varpar sök á saklausan mann Skiptar skoðanir um umfang og kostnað vegna listaverks Ólafs í Eyjum Sakar sveitastjórann um atvinnuróg og „kæfandi klámhögg“ „Komið nóg af áföllum“ Níu ára og með sitt eigið „Fannars bakarí“ í Njarðvík „Þetta er hættuleg helgi“ Eldri borgarar sem verði fyrir ofbeldi ættingja geti hvergi leitað Aldraðir beittir ofbeldi af ættingjum og gervigreindarmistök lögreglu Ferðaþjónustuþorpið Vík: „Við erum ein á báti“ Tjaldsvæði á Norðurlandi óðum að fyllast Framkvæmdir við Hvammsvirkjun stöðvaðar Borgin hafnar yfirlýsingum KSÍ Fólk varist dúfur í Vestmannaeyjum Ógnaði vegfarendum með stórum hníf Ferðamaður lést við Breiðamerkursand „Í Evrópumálum tel ég að þetta sé ekki rétti tíminn að fara í þá vegferð“ Falið ofbeldi gegn eldri borgurum: „Þetta er barnið mitt, ég ól það upp, gerði ég mistök?“ Ísbjarnareftirlit á Vestfjörðum Íslenskum nemendum fækkar en erlendum fjölgar Lögregla biðst afsökunar vegna myndarinnar Þyrlan kölluð út vegna bráðra veikinda á Breiðamerkursandi Ofbeldi gegn eldri borgurum oft hulið Aukið viðbragð í öllum deildum lögreglu Lögregla dreifði gjörbreyttri mynd af díselþjófum Sendinefnd ESB tjáir sig ekki um tollana Líkir aðferðum forstjóra Landsvirkjunnar við heimilisofbeldi Breiðan „tjakkast upp“ og varað við framhlaupi við hraunjaðrana Sjá meira