Chelsea nælir í fram­herja Villareal

Þetta staðfestir David Ornstein, blaðamaður The Athletic, en hann er oftar en ekki fyrstur með fréttirnar þegar kemur að félagaskiptum enskra úrvalsdeildarliða sem staðsett eru í London.

Hinn 22 ára gamli Jackson kemur frá Villareal á Spáni en er frá Senegal. Hann skoraði 13 mörk og gaf 5 stoðsendingar í 38 leikjum í öllum keppnum á síðustu leiktíð. Borgar Chelsea rétt yfir 35 milljónir evra [rúma 5 milljarða íslenskra króna] fyrir leikmanninn.

Miklar breytingar hafa orðið á leikmannahópi Chelsea á þessu ári en í janúar festi félagið kaup á þónokkrum leikmönnum. Í sumar stefnir í að fjöldi leikmanna yfirgefi Chelsea sem og nokkrir yngri, á lægri samningum, komi inn. Meira um það á Vísi í kvöld.