Leit að Sig­rúnu ber engan árangur

Í til­kynningu frá lög­reglunni kemur fram að leit hafi verið fram haldið á laugar­dag að Sig­rúnu. Hennar hefur verið saknað síðan helgina 9. til 11. júní.

Björgunar­sveitir gengu fjörur á sunnan­verðum Reykja­nes­skaga. Við leitina var notast við dróna. Leitar­að­gerðir hófust snemma morguns og stóðu fram eftir degi. Leitar­að­gerðir báru ekki árangur.

Upp­haf­lega var lýst eftir Sig­rúnu þann 13. júní sl. eftir að til­kynning barst lög­reglu um yfir­gefna bif­reið á bif­reiða­stæði sunnan við Suður­strandar­veg, nærri Hús­hólma. Þrátt fyrir um­fangs­miklar leitar­að­gerðir björgunar­sveita dagana eftir til­kynninguna, bar leit ekki árangur.

Lög­regla í­trekar að ef ein­hver telur sig búa yfir upp­lýsingum um ferðir Sig­rúnar að hafa sam­band við lög­regluna á Suður­nesjum í síma 444-2299 eða Neyðar­línuna 112.