Timber hugsaður sem hægri bakvörður

Einungis á eftir að ganga frá formsatriðum varðandi félagaskipti Timber til Arsenal en forráðamenn liðsins vonast til þess að Hollendingurinn geti leikið með liðinu í æfingaleik gegn þýska liðinu Nürnberg á fimmtudaginn kemur. 

Arsenal er einnig að ganga frá kaupum á enska landsliðsmiðjumanninum Declan Rice en félagið þarf að punga út 105 milljónum punda fyrir kauða sem gerir hann að dýrasta leikmanni sögunnnar hjá Skyttunum. 

Þá verður Rice næst dýrasti leikmaður í sögu ensku úrvalsdeildarinnar á eftir kaupum Chelsesa á Enzo Fernandez frá Benfica í janúar síðastliðnum. 

Vonir standa til að bæði Timber og Rice fari með Arsenal til Bandaríkjanna í æfingaferð en liðið heldur vestur um haf á sunnudaginn næsta.