Fótbolti

Sigurður Ragnar lætur af störfum hjá Keflavík

Hjörtur Leó Guðjónsson skrifar
Sigurður Ragnar Eyjólfsson stýrði Keflavík í síðasta skipti í gær.
Sigurður Ragnar Eyjólfsson stýrði Keflavík í síðasta skipti í gær. Vísir/Pawel Cieslikiewicz

Knattspyrnudeild Keflavíkur hefur ákveðið að Sigurður Ragnar Eyjólfsson láti af störfum sem þjálfari karlaliðs félagsins í Bestu-deild karla.

Gengi Keflvíkinga hefur verið afar slakt í sumar og liðið situr á botni deildarinnar með aðeins tíu stig eftir 18 leiki. Keflavík hefur aðeins unnið einn leik í allt sumar og kom sá sigur gegn Fylku í fyrstu umferð deildarkeppninnar.

Keflvíkingar hafa því leikið 17 deildarleiki í röð án sigurs.

Áður höfðu Keflvíkingar greint frá því að Sigurður myndi hætta með liðið að tímabilinu loknu, en eftir 3-1 tap gegn HK í gær hefur ákvörðun verið tekin um að Sigurður sé hættur þjálfun liðsins og Keflvíkingar eru því í þjálfaraleit.

Besta deild karla Keflavík ÍF

Mest lesið


Fleiri fréttir

Sjá meira


×

Mest lesið