Júlíusi Viggó Ólafssyni, formanni Heimdallar, er líkt og flokksfélaga sínum Kjartani Magnússyni mjög umhugað um fjármál Reykjavíkurborgar. Á Twitter-síðu Heimdallar, félags ungra Sjálfstæðismanna í Reykjavík, birtist færsla og myndband þar sem formaðurinn leggur til lausnir á vandanum.
Í færslunni stendur meðal annars „Borgin brunar á ógnarhraða fram af brúninni og enginn virðist ætla að stíga á bremsuna. Það er greinilega undir Heimdalli einum komið að bjarga Reykjavík frá glötun.“
Á þessum tímapunkti eru allar hugmyndir góðar hugmyndir. Borgin brunar á ógnarhraða fram af brúninni og enginn virðist ætla að stíga á bremsuna.
— Heimdallur (@Heimdallur) August 22, 2023
Það er greinilega undir Heimdalli einum komið að bjarga Reykjavík frá glötun.
Við kynnum því með stolti: Malmövík pic.twitter.com/fzXbTBgsyI
Í myndbandinu má síðan sjá frekari útlistun á útfærslunni. Viggó byrjar á að rifja upp hvernig sveitarfélagið Álftanes kom sérstaklega illa út úr hruninu og varð að endingu hluti af sveitarfélagi Garðabæjar.
„Við leggjum til að gera slíkt hið sama, finna stærri rekstareiningu og skutla Reykjavík inn í hana,“ segir hann.
„Því kynnir Heimdallur með stolti Malmövík, byltingarkennd lausn við fjárhagsörðugleikum og spennandi ný skandinavísk byggð.“
