Segja má að Inter hafi gert út um leikinn á fyrsta hálftíma leiksins. Hægri vængbakvörðurinn Denzel Dumfries skoraði fyrra markið á 21. mínútu eftir undirbúning Marcus Thuram. Aðeins níu mínútum síðar var komið að hinum vængbakverðinum.
Federico Dimarco skoraði reyndar ekki en hann lagði upp mark fyrir Argentínumanninn Lautaro Martínez og staðan 0-2 í hálfleik. Eftir þetta lokaði Inter einfaldlega leiknum og vann góðan 2-0 sigur.
Inter's ssistmen today in #CagliariInter pic.twitter.com/f8JDPQvvbw
— Lega Serie A (@SerieA_EN) August 28, 2023
Inter er í 3. sæti deildarinnar með markatöluna 4-0 eftir tvo leiki. Þegar tvær umferðir eru búnar í Serie A eru fjögur lið með tvo sigra í tveimur leikjum. Ásamt Inter hafa nágrannar þeirra í AC Milan, Ítalíumeistarar Napolí og Verona unnið fyrstu tvo leiki sína á tímabilinu.
