Nesvegur mikið skemmdur og ó­fær

Sagt er frá skemmdunum á Facebook-síðu Vegagerðarinnar þar sem birtar eru myndir og myndband af vettvangi. Ljóst er að skjálftavirknin á Reykjanesskaga síðustu daga hafi leikið veginn grátt.

Þar segir að björgunarsveitir og viðbragðsaðilar hafi fengið undanþágu til að nota Nesveg og hafi nýtt hann til sinna starfa. 

„Nú er ljóst að það gengur ekki fyrr en gert hefur verið við veginn. Hann er mjög illa farinn og ljóst að viðgerð yrði nokkuð umfangsmikil. Farið verður í hana ef heimild fæst frá almannavörnum. Ástand vegarins hefur farið síversnandi dag frá degi,“ segir í færslunni. 

Sjá má myndir af vettvangi að neðan.