Hefðu komist nær ef ekki væri fyrir „pópó“

Eins og fram hefur komið hófst gos á tíunda tímanum í kvöld við Hagafell skammt frá Grindavík. Eldgosið er stærra en forverar sínir á Reykjanesskaga og mælist lengd þess þegar þetta er skrifað um 3,5 kílómetra. Þeir 

„Við erum að reyna að sjá gosið. Því miður komumst við ekki nær. Þetta er áhugamál sem við erum búnir að hafa í fjögur ár að mæta á hvert einasta gos og höldum áfram að gera það.“

Hvenær lögðuð þið af stað?

„Bara fyrir svona tuttugu mínútum eða hálftíma. Bara áðan sko. Um leið og fréttirnar bárust þá ákváðum við að henda okkur af stað. Tókum Suðurstrandarveginn, eða ætluðum að gera það.“

Eruð þið vongóðir að sjá þetta núna strax í kvöld?

„Það held ég ekki. Þetta er bara flott. Við hefðum alveg verið til í að komast nær en þessi pópó er að stoppa mig. Löggan sko.“

Um leið og opnar ætlið þið að drífa ykkur af stað?

„Það er hundrað prósent víst. Við stefnum alltaf á að kíkja á öll gosin.“

Hvað finnst ykkur í fjarlægð. Haldið þið að þetta sé stærra?

„Já já. Margfalt stærra. Þetta er örugglega öll gosin til samans. Þetta er risastórt. Við erum mjög spenntir.“