Hafi reynt að fela dóp í stað þess að bjarga lífi konunnar Jón Þór Stefánsson skrifar 10. janúar 2024 23:29 Framburður mannsins er sagður hafa breyst verulega við rannsókn málsins. Vísir Maður á þrítugsaldri, sem er grunaður um að hafa orðið konu að bana á Selfossi í apríl á síðasta ári, er talinn hafa spillt sönnunargögnum málsins áður en lögreglu var gert viðvart um andlátið. Þetta er á meðal þess sem kemur fram úrskurðum málsins sem hafa verið birtir á vef Landsréttar. Eftir því sem fréttastofa kemst næst eru úrskurðirnir níu talsins, sá elsti frá því í byrjun maímánaðar á þessu ári, og sá nýjasti frá byrjun desembermánaðar. Þar segir að samkvæmt gögnum málsins og framburði mannsins hafi honum sjálfum verið andlát konunnar ljóst hálfum sólarhring áður en lögreglu var tilkynnt um það og rannsókn málsins hófst. Á þeim hálfa sólarhring er maðurinn sagður hafa verið í samskiptum við marga einstaklinga. Þar að auki hafi hann aðhafst nokkuð, til dæmis við spillingu og undanskoti sönnunargagna málsins. Maðurinn er sagður hafa viðurkennt að hafa eytt og komið hjá gögnum sem lögregla telur hafa sönnunargildi. Hann hafi eytt stafrænum myndum, sagt upp áskriftum að gagnavörslusíðum og eytt forritum sem vörsluðu myndir. Síðan hafi hann komið undan stafrænni myndavél og bifreið, sem lögregla hefur þó fundið og lagt hald á. Þar að auki hafi hann fært til lík konunnar. Kyrking og kókaíneitrun dánarorsökin Maðurinn neitar sök. Í fyrstu skýrslutökum vildi hann meina að konan hefði látist af völdum ofskammts fíkniefna. Hann hafi komið að henni meðvitundarlausri á gólfi og líkami hennar þá verið orðinn stífur, á neðri hæð heimilis þeirra. Það hafi, að hans sögn, verðið um það bil tveimur klukkustundum eftir að þau hættu að stunda kynlíf sem fól í sér endurtekin kyrkingartök, þar sem maðurinn þrengdi að hálsi konunnar. Því er haldið fram að umrætt kynlíf hafi staðið yfir frá kvöldi fram til morguns og að þau hafi bæði verið undir áhrifum fíkniefna, nánar tiltekið kókaíns. Niðurstaða krufningar bendir til þess að andlát konunnar hafi borið að vegna kyrkingar, en að kókaíneitrun hafi að minnsta kosti verið meðverkandi að dauðanum. Kom fíkniefnum undan frekar en að reyna að veita lífsbjörg Í úrskurði frá því í júlí er vakin athygli á því að maðurinn hafi breytt framburði sínum. Til að byrja með hafi hann lýst atvikum þannig að hann hafi farið af heimili þeirra um morguninn 27. apríl og konan verið á lífi að honum vitandi. Sá framburður hafi breyst, og hann sagst síðast hafa séð hana á lífi aðfaranótt 27. apríl, á milli klukkan fjögur og fimm. Hann hafi síðan komið að henni meðvitundarlausri á gólfi heimilisins um það bil tveimur klukkustundum síðar. Þar á eftir hafi hann ákveðið að betra væri að koma fíkniefnum á heimilinu undan og reynt að fela ummerki um neyslu, í stað þess að kalla til viðbragðsaðila til þess að reyna að bjarga lífi konunnar. Maðurinn er sagður hafa yfirgefið vettvang klukkan átta um morgun þessa dags og dvalið á heimili bróður síns. Um hádegisleytið hafi hann farið í tuttugu mínútna langan bíltúr með systur sinni. Svo virðist sem hann hafi farið aftur til bróður síns þangað til að bróðirinn kom og sótti hann um þrjúleytið, og skutlaði honum aftur á vettvang. Báðir í uppnámi Tveir menn voru handteknir á vettvangi þegar andlát konunnar kom í ljós. Annar þeirra er sá sem er grunaður um að hafa orðið henni að bana. Tveir fyrstu úrskurðir málsins varða gæsluvarðhald yfir þeim tveimur. Í þeim kemur fram að þeir hafi verið í nokkru uppnámi þegar lögreglu bar að garði. Í þessum fyrstu gæsluvarðhaldsúrskurðum kom fram að skýrslutökur af báðum mönnunum hefðu farið fram, en að þeim hafi ekki borið fyllilega saman um þau atvik sem lögregla teldi skipta máli. Sagður hafa gefið lögreglu rangar upplýsingar Í nýjasta úrskurðinum, sem er frá því í desember, segir að rannsókn lögreglu á málinu sé mjög umfangsmikil. Framburður mannsins hafi tekið umtalsverðum breytingum frá upphafi rannsóknarinnar, og útskýringar hans eru sagðar samrýmast rannsóknargögnum málsins illa. Því er haldið fram að talsvert og stundum verulegt misræmi sé á framburði mannsins og vitna, sem og milli vitna innbyrðis. Þá hafi maðurinn orðið uppvís að því að veita lögreglu rangar og villandi upplýsingar. Jafnframt hafi hann verið tregur til að veita upplýsingar um rafræn gögn sem hefðu flýtt fyrir rannsókn málsins. Hann hafi til að mynda borið fyrir sig minnisleysi og sagst ekki muna aðgangsorð sín að raftækjum, en síðar munað þau. Lögreglan segist hafa reynt að kortleggja ferðir og samskipti þeirra sem málið varðar í aðdraganda handtöku mannsins. Við rannsókn málsins hefur verið leitað til breskra og bandarískra yfirvalda og þau beðin um aðstoð við rannsóknina. Líkt og áður segir eru úrskurðir málsins sem eru reifaðir hér að ofan níu talsins, en margir þeirra varða gæsluvarðhald á hendur manninum, og síðan farbann. Hann losnaði úr gæsluvarðhaldi í lok ágústmánaðar og í desember úrskurðaði Landsréttur að hann yrði ekki lengur í farbanni. Grunur um manndráp á Selfossi Árborg Dómsmál Lögreglumál Mest lesið Klórar sér í kollinum yfir kvennaverkfallinu Innlent Kona í fjölbýlishúsinu talin brennuvargur en gengur laus Innlent Grunuð um íkveikju í Nettó, Nytjamarkaðnum og eigin húsi Innlent „Afar ólíklegt“ að Nadine taki slaginn í borginni fyrir Miðflokkinn Innlent Næstum öllum sagt upp hjá dótturfélagi Play Innlent Segir sorglega illa hafa verið haldið á hagsmunum flugsins Innlent Skýrt ákall um heilsdagsverkfall á kvennafrídegi í ár Innlent „Það getur einhver verið að tæla barnið þitt fyrir framan þig“ Innlent Rannsaka jákvæð áhrif covid-bóluefnis á krabbameinssjúklinga Erlent Hálfsdagslokun leikskóla skyndilega orðin að heilsdagslokun Innlent Fleiri fréttir Segir tilvalin íbúðasvæði opnast með Sundabraut Niðurrif hafið á gamla Morgunblaðshúsinu Næstum öllum sagt upp hjá dótturfélagi Play „Ég skoðanakúgaði sjálfa mig í þágu friðar og þæginda félagslega“ Burðardýr fengu þungan dóm fyrir kókaínsmygl Skora á ráðherra og segir skjaldborg slegið um vændiskaupendur Fresta fundi til tíu í fyrramálið Stórskemmtilegur innhringjandi og óhefðbundin útför Viðgerð muni taka einhverja mánuði „Afar ólíklegt“ að Nadine taki slaginn í borginni fyrir Miðflokkinn Grunuð um íkveikju í Nettó, Nytjamarkaðnum og eigin húsi Segir borgina refsa foreldrum til að mæta rekstrarvanda Aflýsa verkfalli öðru sinni Umferðarslys á Fagradal og veginum lokað Segir sorglega illa hafa verið haldið á hagsmunum flugsins Umferðarteppa í Ártúnsbrekku vegna aftanákeyrslu Bein útsending: Verndum vatnið Víða vetrarfærð, Fjarðarheiði lokuð og björgunarsveitir aðstoða fólk í föstum bílum Kettlingur í hættu vegna sprautunála og haldið í gíslingu af nágranna Kona í fjölbýlishúsinu talin brennuvargur en gengur laus „Vonbrigði hvað kom lítið út úr fundinum í gær“ Fangavörður rekinn fyrir að stela af fanga Óvissa á Grundartanga og flugumferðarstjórar funda Hafsteinn Dan tekur við formennsku í refsiréttarnefnd Klórar sér í kollinum yfir kvennaverkfallinu Hálfsdagslokun leikskóla skyndilega orðin að heilsdagslokun „Alvarlegt áfall á Grundartanga” sem beri að bregðast við hratt Ný samnorræn og baltnesk gervigreindarmiðstöð opnuð í dag „Það getur einhver verið að tæla barnið þitt fyrir framan þig“ Lýstu yfir hættustigi vegna flugvélar í vanda Sjá meira
Þetta er á meðal þess sem kemur fram úrskurðum málsins sem hafa verið birtir á vef Landsréttar. Eftir því sem fréttastofa kemst næst eru úrskurðirnir níu talsins, sá elsti frá því í byrjun maímánaðar á þessu ári, og sá nýjasti frá byrjun desembermánaðar. Þar segir að samkvæmt gögnum málsins og framburði mannsins hafi honum sjálfum verið andlát konunnar ljóst hálfum sólarhring áður en lögreglu var tilkynnt um það og rannsókn málsins hófst. Á þeim hálfa sólarhring er maðurinn sagður hafa verið í samskiptum við marga einstaklinga. Þar að auki hafi hann aðhafst nokkuð, til dæmis við spillingu og undanskoti sönnunargagna málsins. Maðurinn er sagður hafa viðurkennt að hafa eytt og komið hjá gögnum sem lögregla telur hafa sönnunargildi. Hann hafi eytt stafrænum myndum, sagt upp áskriftum að gagnavörslusíðum og eytt forritum sem vörsluðu myndir. Síðan hafi hann komið undan stafrænni myndavél og bifreið, sem lögregla hefur þó fundið og lagt hald á. Þar að auki hafi hann fært til lík konunnar. Kyrking og kókaíneitrun dánarorsökin Maðurinn neitar sök. Í fyrstu skýrslutökum vildi hann meina að konan hefði látist af völdum ofskammts fíkniefna. Hann hafi komið að henni meðvitundarlausri á gólfi og líkami hennar þá verið orðinn stífur, á neðri hæð heimilis þeirra. Það hafi, að hans sögn, verðið um það bil tveimur klukkustundum eftir að þau hættu að stunda kynlíf sem fól í sér endurtekin kyrkingartök, þar sem maðurinn þrengdi að hálsi konunnar. Því er haldið fram að umrætt kynlíf hafi staðið yfir frá kvöldi fram til morguns og að þau hafi bæði verið undir áhrifum fíkniefna, nánar tiltekið kókaíns. Niðurstaða krufningar bendir til þess að andlát konunnar hafi borið að vegna kyrkingar, en að kókaíneitrun hafi að minnsta kosti verið meðverkandi að dauðanum. Kom fíkniefnum undan frekar en að reyna að veita lífsbjörg Í úrskurði frá því í júlí er vakin athygli á því að maðurinn hafi breytt framburði sínum. Til að byrja með hafi hann lýst atvikum þannig að hann hafi farið af heimili þeirra um morguninn 27. apríl og konan verið á lífi að honum vitandi. Sá framburður hafi breyst, og hann sagst síðast hafa séð hana á lífi aðfaranótt 27. apríl, á milli klukkan fjögur og fimm. Hann hafi síðan komið að henni meðvitundarlausri á gólfi heimilisins um það bil tveimur klukkustundum síðar. Þar á eftir hafi hann ákveðið að betra væri að koma fíkniefnum á heimilinu undan og reynt að fela ummerki um neyslu, í stað þess að kalla til viðbragðsaðila til þess að reyna að bjarga lífi konunnar. Maðurinn er sagður hafa yfirgefið vettvang klukkan átta um morgun þessa dags og dvalið á heimili bróður síns. Um hádegisleytið hafi hann farið í tuttugu mínútna langan bíltúr með systur sinni. Svo virðist sem hann hafi farið aftur til bróður síns þangað til að bróðirinn kom og sótti hann um þrjúleytið, og skutlaði honum aftur á vettvang. Báðir í uppnámi Tveir menn voru handteknir á vettvangi þegar andlát konunnar kom í ljós. Annar þeirra er sá sem er grunaður um að hafa orðið henni að bana. Tveir fyrstu úrskurðir málsins varða gæsluvarðhald yfir þeim tveimur. Í þeim kemur fram að þeir hafi verið í nokkru uppnámi þegar lögreglu bar að garði. Í þessum fyrstu gæsluvarðhaldsúrskurðum kom fram að skýrslutökur af báðum mönnunum hefðu farið fram, en að þeim hafi ekki borið fyllilega saman um þau atvik sem lögregla teldi skipta máli. Sagður hafa gefið lögreglu rangar upplýsingar Í nýjasta úrskurðinum, sem er frá því í desember, segir að rannsókn lögreglu á málinu sé mjög umfangsmikil. Framburður mannsins hafi tekið umtalsverðum breytingum frá upphafi rannsóknarinnar, og útskýringar hans eru sagðar samrýmast rannsóknargögnum málsins illa. Því er haldið fram að talsvert og stundum verulegt misræmi sé á framburði mannsins og vitna, sem og milli vitna innbyrðis. Þá hafi maðurinn orðið uppvís að því að veita lögreglu rangar og villandi upplýsingar. Jafnframt hafi hann verið tregur til að veita upplýsingar um rafræn gögn sem hefðu flýtt fyrir rannsókn málsins. Hann hafi til að mynda borið fyrir sig minnisleysi og sagst ekki muna aðgangsorð sín að raftækjum, en síðar munað þau. Lögreglan segist hafa reynt að kortleggja ferðir og samskipti þeirra sem málið varðar í aðdraganda handtöku mannsins. Við rannsókn málsins hefur verið leitað til breskra og bandarískra yfirvalda og þau beðin um aðstoð við rannsóknina. Líkt og áður segir eru úrskurðir málsins sem eru reifaðir hér að ofan níu talsins, en margir þeirra varða gæsluvarðhald á hendur manninum, og síðan farbann. Hann losnaði úr gæsluvarðhaldi í lok ágústmánaðar og í desember úrskurðaði Landsréttur að hann yrði ekki lengur í farbanni.
Grunur um manndráp á Selfossi Árborg Dómsmál Lögreglumál Mest lesið Klórar sér í kollinum yfir kvennaverkfallinu Innlent Kona í fjölbýlishúsinu talin brennuvargur en gengur laus Innlent Grunuð um íkveikju í Nettó, Nytjamarkaðnum og eigin húsi Innlent „Afar ólíklegt“ að Nadine taki slaginn í borginni fyrir Miðflokkinn Innlent Næstum öllum sagt upp hjá dótturfélagi Play Innlent Segir sorglega illa hafa verið haldið á hagsmunum flugsins Innlent Skýrt ákall um heilsdagsverkfall á kvennafrídegi í ár Innlent „Það getur einhver verið að tæla barnið þitt fyrir framan þig“ Innlent Rannsaka jákvæð áhrif covid-bóluefnis á krabbameinssjúklinga Erlent Hálfsdagslokun leikskóla skyndilega orðin að heilsdagslokun Innlent Fleiri fréttir Segir tilvalin íbúðasvæði opnast með Sundabraut Niðurrif hafið á gamla Morgunblaðshúsinu Næstum öllum sagt upp hjá dótturfélagi Play „Ég skoðanakúgaði sjálfa mig í þágu friðar og þæginda félagslega“ Burðardýr fengu þungan dóm fyrir kókaínsmygl Skora á ráðherra og segir skjaldborg slegið um vændiskaupendur Fresta fundi til tíu í fyrramálið Stórskemmtilegur innhringjandi og óhefðbundin útför Viðgerð muni taka einhverja mánuði „Afar ólíklegt“ að Nadine taki slaginn í borginni fyrir Miðflokkinn Grunuð um íkveikju í Nettó, Nytjamarkaðnum og eigin húsi Segir borgina refsa foreldrum til að mæta rekstrarvanda Aflýsa verkfalli öðru sinni Umferðarslys á Fagradal og veginum lokað Segir sorglega illa hafa verið haldið á hagsmunum flugsins Umferðarteppa í Ártúnsbrekku vegna aftanákeyrslu Bein útsending: Verndum vatnið Víða vetrarfærð, Fjarðarheiði lokuð og björgunarsveitir aðstoða fólk í föstum bílum Kettlingur í hættu vegna sprautunála og haldið í gíslingu af nágranna Kona í fjölbýlishúsinu talin brennuvargur en gengur laus „Vonbrigði hvað kom lítið út úr fundinum í gær“ Fangavörður rekinn fyrir að stela af fanga Óvissa á Grundartanga og flugumferðarstjórar funda Hafsteinn Dan tekur við formennsku í refsiréttarnefnd Klórar sér í kollinum yfir kvennaverkfallinu Hálfsdagslokun leikskóla skyndilega orðin að heilsdagslokun „Alvarlegt áfall á Grundartanga” sem beri að bregðast við hratt Ný samnorræn og baltnesk gervigreindarmiðstöð opnuð í dag „Það getur einhver verið að tæla barnið þitt fyrir framan þig“ Lýstu yfir hættustigi vegna flugvélar í vanda Sjá meira