Áfram gakk! Kjarni Kvosarinnar verður heildstætt göngusvæði Dóra Björt Guðjónsdóttir skrifar 12. janúar 2024 11:00 Göngugötur hafi notið vinsælda meðal borgarbúa undanfarin ár. Í nýlegri könnun Maskínu kom enn og aftur fram að mikill meirihluti Reykvíkinga eða nærri þrír af hverjum fjórum er hlynntur göngugötum og eykst stuðningurinn verulega milli ára. Að sama skapi hefur þeim fækkað sem eru óánægð en þau eru aðeins 9%. Í öllum hverfum eru langtum fleiri jákvæð en neikvæð gagnvart göngugötum. Könnunin sýnir einnig að þeim fjölgar sem telja að göngusvæðin megi vera stærri. Við hlustum á íbúa og tökum þessu sem hvatningu til þess að fjölga göngusvæðum í borginni. Þess vegna höfum við nú samþykkt að klára að gera kjarna Kvosarinnar, Austurstræti og nærliggjandi umhverfi að heildstæðu göngusvæði. Forhönnun fyrir göngusvæðið var kynnt á fundi umhverfis- og skipulagsráðs í vikunni og er það framhald af hönnun Lækjartorgs sem hefur þegar verið kynnt og byggir þetta allt á umferðarskipulagi Kvosarinnar frá 2020. Hollenska arkitektastofan Karres en Brands með alþjóðlegu stofunni Sp(r)int Studio sem er með aðsetur hér í Reykjavík standa að baki þessari flottu hönnun. Göngusvæðið mun skapa samfellu eftir endilöngu Austurstræti frá Lækjartorgi að Ingólfstorgi og teygja anga sína eftir Pósthússtræti, Kirkjustræti og Veltusundi eftir nánari útfærslu í framhaldinu í samráði við íbúa og atvinnulíf. Kostir göngusvæða eru ótvíræðir. Göngusvæði skapa andrými fyrir iðandi mannlíf og samverustundir vina og fjölskyldna í friði og öryggi frá bílaumferð og mengun. Skipulag borgarinnar er bakteppi upplifana og hegðunar og hefur mjög mótandi áhrif á líf okkar. Fólk hefur eðlilega skiptar skoðanir á þróun borgarinnar og samgöngumálum en ég held að við kunnum öll vel að meta að geta stigið út úr amstri dagsins, rölt um áhyggjulaus jafnvel með lítil kríli hlaupandi um og hafa svigrúm til að setjast niður í skemmtilegu borgarumhverfi til að njóta stundarinnar. Austurstræti er hluti af einum helsta gönguás Reykjavíkur frá Laugavegi, Bankastræti og niður að Ingólfstorgi. Staðurinn er líka sögulegur. Gatan var ein fyrsta gata borgarinnar, austan við aðalgötuna Aðalstræti. Pósthússtræti var eitt sinn hlið inn í Reykjavík þegar komið var í borgina sjóleiðis. Við ætlum að lyfta sögunni og leyfa þessum gatnamótum Pósthússtrætis og Austurstrætis að njóta sín betur en þar standa líka margar glæsilegar byggingar. Svæðið mun bera með sér heildstætt yfirbragð þar sem hið gamla mætir hinu nýja með fallegu og aðlaðandi yfirborði. Við ætlum að hafa þarna fjölnota svæði með lýsingu, gróðri, bekkjum og rými fyrir leik og sem nýtist kaffihúsum og veitingahúsum en við vitum að svona breyting styrkir mjög veitingarekstur. Fólk hefur haft áhyggjur af gróðrinum sem þrífst þarna ekki vel í dag en í dag vantar betri jarðveg. Við ætlum að hlúa vel að gróðrinum og undirbúa beðin vel. Þarna ætlum við að planta fullvöxnum trjám sem þola krefjandi borgarumhverfi en hafa að sama skapi mjög jákvæð áhrif á loftgæði og upplifun og mynda skjól strax frá fyrsta degi, lauftré sem opna fyrir birtu á veturna. Samgönguúrbætur og græn þróun er kunnuglegt stef á Austurstræti og áfram höldum við með þá sögu nú. Austurstræti er ein af fyrstu götum borgarinnar, austur af aðalgötunni Aðalstræti. Á tímabilinu 1912-1920 var hafist handa við að malbika götur í Reykjavík og var Austurstræti fyrsta gatan sem var malbikuð með gufuvaltaranum Bríeti sem nefnd var í höfuð Bríetar Bjarnhéðinsdóttur sem barðist fyrir kaupum hans í bæjarstjórn Reykjavíkur. Áður en þetta gerðist var erfitt að komast leiðar sinnar í rigningu vegna polla og leðju. Austurstræti á sér líka sögu sem fyrsta afmarkaða göngugata landsins og var það allavega í tvígang Sjálfstæðisflokkurinn sem tók af skarið og kom á göngugötu á svæðinu sem sýnir okkur að pólitíkin er aðeins háð tilviljunum hverju sinni. Við ætlum nú að halda undirbúningi áfram, fullhanna og klára skipulag svæðisins og getum vonandi hafið framkvæmdir serm allra fyrst. Við ætlum sömuleiðis að vera í samtali við hagsmunaaðila og íbúa eins og íbúaráð, aðgengis- og samráðsnefnd um málefni fatlaðs fólks og ekki síst atvinnulíf á svæðinu við undirbúning og framkvæmd. Það er lykilatriði til að ná góðum árangri. Græn þróun borgarinnar til að skapa valfrelsi um ferðamáta og skemmtilegra borgarumhverfi nýtur stuðnings fólks úr öllum flokkum og öllum áttum og það er ánægjulegt. Saman erum við sterk og getum með meiri hraða og festu gert samfélagið okkar enn grænna, öflugra, öruggara og betra í þágu okkar sjálfra, barna okkar og barnabarna. Áfram gakk! Höfundur er borgarfulltrúi Pírata og formaður umhverfis- og skipulagsráðs Reykjavíkur. Viltu birta grein á Vísi? Sendu okkur póst. Senda grein Dóra Björt Guðjónsdóttir Píratar Reykjavík Borgarstjórn Skipulag Göngugötur Mest lesið Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir Skoðun Við fylgjum þér frá getnaði til grafar Benedikt S. Benediktsson Skoðun Ef þið bara hefðuð séð heiminn út frá mínum augum: Börn & ADHD Stefán Þorri Helgason Skoðun Konur á örorku Sigríður Ingibjörg Ingadóttir,Steinunn Bragadóttir Skoðun Ekki sama hvaðan gott kemur Magnea Gná Jóhannsdóttir Skoðun Börn í meðferð eiga rétt á fagfólki orð duga ekki lengur! Steindór Þórarinsson Skoðun Greindarskerðing eða ofurgáfur með gervigreind Björgmundur Örn Guðmundsson Skoðun Að hafa hemil á nýjum ófjármögnuðum útgjöldum er lykillinn að sjálfbærum rekstri sveitarfélaga Jón Ingi Hákonarson Skoðun Homo sapiens að öðrum toga: Af hverju ætti ég eiginlega að mæta á PIFF-kvikmyndhátíðina? Ólafur Guðsteinn Kristjánsson Skoðun 112. liðurinn í aðgerðaáætlun í menntamálum? Ingólfur Ásgeir Jóhannesson Skoðun Skoðun Skoðun Við fylgjum þér frá getnaði til grafar Benedikt S. Benediktsson skrifar Skoðun Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir skrifar Skoðun Ef þið bara hefðuð séð heiminn út frá mínum augum: Börn & ADHD Stefán Þorri Helgason skrifar Skoðun 112. liðurinn í aðgerðaáætlun í menntamálum? Ingólfur Ásgeir Jóhannesson skrifar Skoðun Konur á örorku Sigríður Ingibjörg Ingadóttir,Steinunn Bragadóttir skrifar Skoðun Drambið okkar Júlíus Valsson skrifar Skoðun Við vitum Guðrún Jónsdóttir skrifar Skoðun Ekki sama hvaðan gott kemur Magnea Gná Jóhannsdóttir skrifar Skoðun Börn í meðferð eiga rétt á fagfólki orð duga ekki lengur! Steindór Þórarinsson skrifar Skoðun Greindarskerðing eða ofurgáfur með gervigreind Björgmundur Örn Guðmundsson skrifar Skoðun Að hafa hemil á nýjum ófjármögnuðum útgjöldum er lykillinn að sjálfbærum rekstri sveitarfélaga Jón Ingi Hákonarson skrifar Skoðun Homo sapiens að öðrum toga: Af hverju ætti ég eiginlega að mæta á PIFF-kvikmyndhátíðina? Ólafur Guðsteinn Kristjánsson skrifar Skoðun Stöndum saman gegn fjölþáttaógnum Bryndís Haraldsdóttir skrifar Skoðun Hagræðing á kostnað fjölbreytni og gæðamenntunar Ida Marguerite Semey skrifar Skoðun Umbúðir en ekkert innihald í Hafnarfirði Einar Geir Þorsteinsson skrifar Skoðun Við viljum tala íslensku, en hvernig Ólafur Guðsteinn Kristjánsson skrifar Skoðun Mansalsmál á Íslandi Kristján Þórður Snæbjarnarson skrifar Skoðun Hættur heimsins virða engin landamæri Tótla I. Sæmundsdóttir skrifar Skoðun Tímamót í sjálfsvígsforvörnum Ingibjörg Isaksen skrifar Skoðun Yfirgangur, yfirlæti og endastöð Strætó Axel Hall skrifar Skoðun Hugsum fíknivanda upp á nýtt - Ný nálgun í meðhöndlun fíknivanda og áhættuhegðunar Svala Jóhannesdóttir,Lilja Sif Þorsteinsdóttir skrifar Skoðun Háskólinn á Bifröst – Öflugur og sjálfstæður fjarnámsskóli Sólveig Hallsteinsdóttir skrifar Skoðun Það eru fleiri fiskar í sjónum og fleiri sjónarmið í hafstjórn Guðbjörg Ásta Ólafsdóttir skrifar Skoðun Skapandi menntun skilar raunverulegum árangri Bryngeir Valdimarsson skrifar Skoðun Sex ára sáttmáli Davíð Þorláksson skrifar Skoðun Af hverju kynjafræði? Og hvaða greinar hafa fengið svipaðar mótbárur í gegnum tíðina? Guðrún Elísa Friðbjargardóttir Sævarsdóttir skrifar Skoðun Stjórnendur sem mega ekki stjórna Stefán Vagn Stefánsson skrifar Skoðun Stokkhólmseinkenni sem við ættum að forðast Aðalsteinn Júlíus Magnússon skrifar Skoðun Eflum iðnlöggjöfina og stöðvum brotin Hilmar Harðarson skrifar Skoðun Pjattkratar taka til Þorsteinn Sæmundsson skrifar Sjá meira
Göngugötur hafi notið vinsælda meðal borgarbúa undanfarin ár. Í nýlegri könnun Maskínu kom enn og aftur fram að mikill meirihluti Reykvíkinga eða nærri þrír af hverjum fjórum er hlynntur göngugötum og eykst stuðningurinn verulega milli ára. Að sama skapi hefur þeim fækkað sem eru óánægð en þau eru aðeins 9%. Í öllum hverfum eru langtum fleiri jákvæð en neikvæð gagnvart göngugötum. Könnunin sýnir einnig að þeim fjölgar sem telja að göngusvæðin megi vera stærri. Við hlustum á íbúa og tökum þessu sem hvatningu til þess að fjölga göngusvæðum í borginni. Þess vegna höfum við nú samþykkt að klára að gera kjarna Kvosarinnar, Austurstræti og nærliggjandi umhverfi að heildstæðu göngusvæði. Forhönnun fyrir göngusvæðið var kynnt á fundi umhverfis- og skipulagsráðs í vikunni og er það framhald af hönnun Lækjartorgs sem hefur þegar verið kynnt og byggir þetta allt á umferðarskipulagi Kvosarinnar frá 2020. Hollenska arkitektastofan Karres en Brands með alþjóðlegu stofunni Sp(r)int Studio sem er með aðsetur hér í Reykjavík standa að baki þessari flottu hönnun. Göngusvæðið mun skapa samfellu eftir endilöngu Austurstræti frá Lækjartorgi að Ingólfstorgi og teygja anga sína eftir Pósthússtræti, Kirkjustræti og Veltusundi eftir nánari útfærslu í framhaldinu í samráði við íbúa og atvinnulíf. Kostir göngusvæða eru ótvíræðir. Göngusvæði skapa andrými fyrir iðandi mannlíf og samverustundir vina og fjölskyldna í friði og öryggi frá bílaumferð og mengun. Skipulag borgarinnar er bakteppi upplifana og hegðunar og hefur mjög mótandi áhrif á líf okkar. Fólk hefur eðlilega skiptar skoðanir á þróun borgarinnar og samgöngumálum en ég held að við kunnum öll vel að meta að geta stigið út úr amstri dagsins, rölt um áhyggjulaus jafnvel með lítil kríli hlaupandi um og hafa svigrúm til að setjast niður í skemmtilegu borgarumhverfi til að njóta stundarinnar. Austurstræti er hluti af einum helsta gönguás Reykjavíkur frá Laugavegi, Bankastræti og niður að Ingólfstorgi. Staðurinn er líka sögulegur. Gatan var ein fyrsta gata borgarinnar, austan við aðalgötuna Aðalstræti. Pósthússtræti var eitt sinn hlið inn í Reykjavík þegar komið var í borgina sjóleiðis. Við ætlum að lyfta sögunni og leyfa þessum gatnamótum Pósthússtrætis og Austurstrætis að njóta sín betur en þar standa líka margar glæsilegar byggingar. Svæðið mun bera með sér heildstætt yfirbragð þar sem hið gamla mætir hinu nýja með fallegu og aðlaðandi yfirborði. Við ætlum að hafa þarna fjölnota svæði með lýsingu, gróðri, bekkjum og rými fyrir leik og sem nýtist kaffihúsum og veitingahúsum en við vitum að svona breyting styrkir mjög veitingarekstur. Fólk hefur haft áhyggjur af gróðrinum sem þrífst þarna ekki vel í dag en í dag vantar betri jarðveg. Við ætlum að hlúa vel að gróðrinum og undirbúa beðin vel. Þarna ætlum við að planta fullvöxnum trjám sem þola krefjandi borgarumhverfi en hafa að sama skapi mjög jákvæð áhrif á loftgæði og upplifun og mynda skjól strax frá fyrsta degi, lauftré sem opna fyrir birtu á veturna. Samgönguúrbætur og græn þróun er kunnuglegt stef á Austurstræti og áfram höldum við með þá sögu nú. Austurstræti er ein af fyrstu götum borgarinnar, austur af aðalgötunni Aðalstræti. Á tímabilinu 1912-1920 var hafist handa við að malbika götur í Reykjavík og var Austurstræti fyrsta gatan sem var malbikuð með gufuvaltaranum Bríeti sem nefnd var í höfuð Bríetar Bjarnhéðinsdóttur sem barðist fyrir kaupum hans í bæjarstjórn Reykjavíkur. Áður en þetta gerðist var erfitt að komast leiðar sinnar í rigningu vegna polla og leðju. Austurstræti á sér líka sögu sem fyrsta afmarkaða göngugata landsins og var það allavega í tvígang Sjálfstæðisflokkurinn sem tók af skarið og kom á göngugötu á svæðinu sem sýnir okkur að pólitíkin er aðeins háð tilviljunum hverju sinni. Við ætlum nú að halda undirbúningi áfram, fullhanna og klára skipulag svæðisins og getum vonandi hafið framkvæmdir serm allra fyrst. Við ætlum sömuleiðis að vera í samtali við hagsmunaaðila og íbúa eins og íbúaráð, aðgengis- og samráðsnefnd um málefni fatlaðs fólks og ekki síst atvinnulíf á svæðinu við undirbúning og framkvæmd. Það er lykilatriði til að ná góðum árangri. Græn þróun borgarinnar til að skapa valfrelsi um ferðamáta og skemmtilegra borgarumhverfi nýtur stuðnings fólks úr öllum flokkum og öllum áttum og það er ánægjulegt. Saman erum við sterk og getum með meiri hraða og festu gert samfélagið okkar enn grænna, öflugra, öruggara og betra í þágu okkar sjálfra, barna okkar og barnabarna. Áfram gakk! Höfundur er borgarfulltrúi Pírata og formaður umhverfis- og skipulagsráðs Reykjavíkur.
Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir Skoðun
Að hafa hemil á nýjum ófjármögnuðum útgjöldum er lykillinn að sjálfbærum rekstri sveitarfélaga Jón Ingi Hákonarson Skoðun
Homo sapiens að öðrum toga: Af hverju ætti ég eiginlega að mæta á PIFF-kvikmyndhátíðina? Ólafur Guðsteinn Kristjánsson Skoðun
Skoðun Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir skrifar
Skoðun Að hafa hemil á nýjum ófjármögnuðum útgjöldum er lykillinn að sjálfbærum rekstri sveitarfélaga Jón Ingi Hákonarson skrifar
Skoðun Homo sapiens að öðrum toga: Af hverju ætti ég eiginlega að mæta á PIFF-kvikmyndhátíðina? Ólafur Guðsteinn Kristjánsson skrifar
Skoðun Hugsum fíknivanda upp á nýtt - Ný nálgun í meðhöndlun fíknivanda og áhættuhegðunar Svala Jóhannesdóttir,Lilja Sif Þorsteinsdóttir skrifar
Skoðun Háskólinn á Bifröst – Öflugur og sjálfstæður fjarnámsskóli Sólveig Hallsteinsdóttir skrifar
Skoðun Það eru fleiri fiskar í sjónum og fleiri sjónarmið í hafstjórn Guðbjörg Ásta Ólafsdóttir skrifar
Skoðun Af hverju kynjafræði? Og hvaða greinar hafa fengið svipaðar mótbárur í gegnum tíðina? Guðrún Elísa Friðbjargardóttir Sævarsdóttir skrifar
Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir Skoðun
Að hafa hemil á nýjum ófjármögnuðum útgjöldum er lykillinn að sjálfbærum rekstri sveitarfélaga Jón Ingi Hákonarson Skoðun
Homo sapiens að öðrum toga: Af hverju ætti ég eiginlega að mæta á PIFF-kvikmyndhátíðina? Ólafur Guðsteinn Kristjánsson Skoðun